Kitengo kinasimamia rasilimali za nyuki na mimea ya chakula cha nyuki kwa ajili ya maendeleo endelevu ya kiuchumi,kijamii na kuboresha mazingira.
Jukumu la kisera kusimamia, kuhamasisha wananchi kujiunga katika makundi au mtu mmoja mmoja kujishughulisha na ufugaji nyuki.
Halmashauri ya Wilaya ina hamasisha taasisi za utekelezaji, NGO’s na watu binafsi kuanzisha manzuki za mifano ya ufugaji nyuki bora, ambapo katika Wilaya ya Mkuranga zipo manzuki mbili za mfano ambapo mojawapo inasimamiwa na Serikali kuu (TFS) na nyingine Halmashauri ya Wilaya iliyopo katika msitu wa chanzo cha maji mlima kurungu kwa lengo la kukuza mchango wa ufugaji nyuki kwa maendeleo na kupunguza umaskini.
Jukumu la kisera la kuhakikisha kuna upatikanaji endelevu wa mazao ya nyuki na huduma bora za uchavushaji zimeanzishwa na usimamizi wa manzuki za kibinafsi na wakulima kutumia nyuki katika kuchavusha mimeo yao ili kuongeza uzalishaji na ubora wa mazao.
Mafanikio ya Sekta ya Nyuki
Jumla ya vikundi 13 vimeundwa ambavyo husaidiwa kupata elimu ya ufugaji nyuki na kutengeneza mizinga ya nyuki wanaouma (nyuki wakubwa) na nyuki wasiouma (nyuki wadogo).Aidha kwenye vikundi hivyo wapo jumla ya watu 205 wanaume 105 na wanawake 100.pia kuna watu binafsi 8 ambapo wanaume 6 na wananwake 2.
Uzalishaji wa asali ni kati ya kilo nane mapaka kilo kumi kwa mzinga na nta ni kilo moja mpaka kilo moja na nusu.
Kuna wastani wa mizinga yenye makundi ya nyuki 312 kuzalisha kilo za asali 2160 na nta 198 kwa mwaka.
