Kutafsiri na kusimamia sheria, kanuni, sera, miongozo na taratibu mbalimbali za sekta za mifugo na uvuvi kitaifa ili kuhakikisha uwepo wa uzalishaji endelevu wa mifugo na mazao yatokanayo na mifugo na uvuvi katika wilaya kwa madhumuni ya kufikia malengo ya uzaalishaji kitaifa; Kushirikiana na wadau/washirika wa maendeleo (kama vile Taasisi binafsi na za umma) katika kutoa huduma shirikishi za ugani, kuanzisha na kuendeleza miradi ya uendelezaji mifugo na uvuvi katika wilaya; Kushirikiana na uongozi katika ngazi mbalimbali za kitaifa, Mkoa, Halmashauri na Idara nyingine katika kutimiza majukumu ya kila siku; Kushirikiana na wadau mbalimbali kudhibiti uingiza wa mifugo kiholela na kuzuia uvuvi haramu katika wilaya, kwa kufanya doria, kutoa leseni za uvuvi na kutoa elimu juu ya matumizi bora ya zana za uvuvi.
Kushauri na kuzisimamia serikali za vijiji kutenga maeneo ya malisho ili kuzuia migogoro inayoweza kutokea baina ya wafugaji na watumiaji wengine wa ardhi katika vijiji; Kuwa daraja kati ya wafugaji na watafiti wa mifugo na uvuvi, kwa kuzitambua na kuchukua changamoto za wafugaji na kuzipeleka kwa watafiti ambao watazitafutia majibu muafaka na kurudisha/ kupeleka mrejesho kwa walengwa. Pia kusambaza teknolojia sahihi za kitaalam kutoka kwa watafiti kwenda kwa wafugaji ili kuongeza tija katika uzalishaji wa mifugo, samaki na bidhaa zake; Kudhibiti magonjwa mbalimbali ya mifugo, ikiwemo yale ya mlipuko na yale yanayo waathili binadamu kutoka kwenye mifugo, kama vile Kifua Kikuu, Kimeta, Kichaa cha Mbwa n.k, kwa kutoa tiba, chanjo, ukaguzi wa nyama na kutoa vibali vya kusafirisha mifugo. Pia kutoa taarifa za magonjwa ya milipuko, kuchukua na kupeleka sampuli za wanyama katika kituo cha uchunguzi wa mifugo Temeke Dar es salaam; Kuhakikisha wataalam wa mifugo na uvuvi wenye sifa zinazo stahili wapo wa kutosha katika ngazi zote na wanahamasa ya kufanya kazi;
Kudhibiti ubora wa bidhaa za mifugo na uvuvi, pia kuhamasisha uongezaji thamani wa mazao ya mifugo na uvuvi na kusisitiza ufugaji wa kibiashara; Kutafsiri na kuunganisha majukumu, matakwa na malengo ya wadau watoa huduma za ugani katika sekta za mifugo na uvuvi; Kutambua aina ya wafugaji na mahitaji yao muhimu katika maeneo mbalimbali; Kuendeleza matumizi ya mbinu za asili za ufugaji; Kuendeleza na kuboresha kosaafu za mifugo ya asili kwa uhamilishaji na kutumia madume bora ili kuongeza uzalishaji wa mifugo; Kukuza na kuimarisha mitandao miongoni mwa wadau wa kutoa huma za ugani na wafugaji wenyewe; Kukuza ushiriki wa wadau binafsi wa kutoa huduma za ugani, kutunza kumbukumbu na kufuatilia shughuli zao; Kwa kushikiana na wadau wa maendeleo Kuwezesha ujenzi wa miundombinu ya mifugo na uvuvi katika maeneo ya wafugaji; Kukusanya, kuchambua, kutunza, kuboresha na kuzitumia taarifa/takwimu za mifugo na uvuvi katika kupanga mipango ya maendeleo na bajeti ya sekta katika wilaya; Kuhusisha na kushughulikia maswala mtambuka kama vile jinsia, mazingira na VVU/UKIMWI.
MAFANIKIO YA SEKTA YA MIFUGO NA UVUVI
Idadi ya Mifugo imeongezeka kwa 5.7%,
Kulikuwa na mifugo 393,865 kabla ya Desemba 2015 hadi sasa kuna idadi ya mifugo 417,671 kwa 2017
Udhibiti wa Magonjwa ya Mifugo
Chanjo ya Mifugo
Idadi ya mifugo iliyochanjwa dhidi ya magonjwa mbalimbali ni 408,349 ambapo kati yao; Kuku 82,615, waliochanjwa dhidi ya Ndui, Kuku 323,117 walichanjwa dhidi Mdondo, Mbwa 2,451 na Paka 166 walichanjwa dhidi ya Kichaa cha Mbwa. Vile vile Ng’ombe 87 walikingwa dhidi ya Ndigana kali . Hii ni zaidi ya 9.97% ya ongezeko la mifugo iliyochanjwa ambapo kabla ya Desemba 2015 ni mifugo 371,326 tu ilichanjwa
Elimu kwa wafugaji imetolewa
Wafugaji 147 wamepewa elimu juu ya ufugaji bora wa kuku wa asili
Wafugaji132 walipewa elimu ya ufugaji bora wa mbuzi wa asili na
Wafugaji 15 walipewa elimu ya ufugaji bora wa mbuzi wa maziwa.
Hali ya mnada wa awali wa Mkiu imeimarika
Wafugaji wamehamasika kupunguza mifugo kwa kuuza kwa faida kibiashara.hii inadhihirishwa na ongezeko la mifugo katika mnada wa awali wa Mkiu ambapo ni Mifugo chini ya 40 kwa siku ilikuwa ikiletwa mnadani kabla ya Desemba 2015 hadi sasa ni mifugo zaidi ya 120 inaletwa kwa siku.
Utambuzi, usajili na ufuatiliaji wa mifugo
Ng’ombe 11,467 wametambuliwa na kusajiliwa katika vijiji mbalimbali vya wilaya ya Mkuranga
Kushughulikia migogoro ya Wafugaji na Wakulima
Kulikuwa na Migogoro ya wakulima na wafugaji abayo iliongezeka maradufu kutokana na uvamizi wa mifugo katika maeneo yasiyo ya ufugaji. Makundi yote ya wafugaji wavamizi yaliondolewa katika maeneo yaliyovamiwa na mifugo. Wakulima pia na wafugaji walielimishwa mahusiano mema kwa kuabiwa kila mtu aheshimu mipaka yake Wakulima wasiende kufanya shughuli za kilimo kwenye maeneo yaliyotengwa kwa ajili ya Malisho na Wafugaji wasilishe mifugo yao kwenye maeneo yasiyotengwa kwa malisho.
Kutenga maeneo ya malisho
Wilaya ya Mkuranga imetenga maeneo kwa ajili ya ufugaji Hekta 7,768.53katika vijiji kumi (10) ambavyo ni Nyamato, Mkiu, Kilamba, Mbulani, Vianzi, Kizapala, Lupondo, Kibesa, Kisegese na Tundu.
KUDHIBITI UINGIZAJI WA MIFUGO
Zoezi la kuwaondoa wafugaji wavamizi lilifanyika mara tatu, awamu ya kwanza mwezi Desemba 2016 ambapo jumla ya Ng’ombe 3,560 na Punda 3 waliondolewa, awamu ya pili mwezi Machi 2017 ambapo Ng’ombe 4,110, Mbuzi 60 na Punda 12 waliondolewa na awamu ya tatu ilifanyika mwezi Agosti 2017 ambapo jumla ya Ng’ombe 2,420, Mbuzi 57, Kondoo 35, na Punda 11 waliondolewa na kurudishwa walikotoka. Aidha katika zoezi la mwezi Agosti 2017 Ng’ombe 17 na wafugji wavamizi 3 walikamatwa karika Misitu ya hifadhi ya Masanganya, Mkerezange na Kibesa. Wafugaji hao wamepelekwa mahakamani na mashauri yanaendelea.
VIKUNDI VYA WAFUGAJI
Wananchi katika kata zote wamehamasishwa kuunda vikundi vya ufugaji wa kuku na samaki hatimaye jumla ya vikundi 19 vya ufugji wa kuku vimeunda na kusajiriwa. Zoezi ni endelevu na wanchi wengine wako katika hatua mbalimbali za kuunda vikundi.
CHANGAMOTO
Wananchi kushindwa kumudu gharama za madawa, chanjo, viuadudu kutokana na vitu hivyo kuuzwa kwa bei kubwa na hakuna ruzuku inayotolewa na serikali, vilevile dawa au chanjo zinapatikana maeneo ya mbali hivyo kuongeza gharama za usafiri.
Upungufu wa miundombinu ya mifugo kama vile Majosho ya mifugo, Malambo na Vituo vya Huduma za Afya za Mifugo.
Uwepo wa mimea yenye Sumu
Ufinyu wa bajeti
Wafugaji wavamizi kutoka nnje ya Wilaya ya Mkuranga.
UVUVI
MAFANIKIO
Kupunguza Uvuvi haramu na hasa kwa wavuvi wanaotumia mabomu toka zaidi milipuko 1080 kwa mwaka kabla ya Desemba 2015 hadi chini ya milipuko 208 kwa mwaka kwa kipindi cha 2015 -2017
Wavuvi wengi wamehamasika kukata leseni za uvuvi, wavuvi 323 wamekata leseni za uvuvi kwa mwaka 2016 - 2017 tofauti na 211 kwa 2014 -2015
Elimu ya ufugaji wa samaki imewavutia watu wengi kufanya ufugaji wa samaki. Zaidi ya wananchi 248 wamepewa elimu ya ufugaji wa samaki katika mwaka 2016 – 2017 ikilinganishwa na 70 kwea mwaka 2014 – 2015. Hivyo kwa hiv sasa kuna mabwawa ya samaki wa maji baridi 93 kutoka 21 yaliyokuwepo kabla ya 2015.
Kupungua kwa hali ya utoroshaji wa rasilimali za Uvuvi na hasa usafirishaji haramu wa samaki hai na viumbe mbalimbali wa baharini
Elimu juu ya zana bora za uvuvi imetolewa kwa wavuvi 33 katika Kata ya Kisiju, Magawa, na Shungubweni na elimu juu ya ufugaji bora wa samaki ilitolewa kwa wafugaji ishirini na sita (26) katika Kata za Vikindu, Mwarusembe, Mbezi na Mkuranga.
CHANGAMOTO
Bado kuna upungufu wa watumishi katika sekta ya Uvuvi kwa ngazi za Kata na Vijiji, tuna Maafisa Uvuvi watatu (3) tu mpaka sasa ambao hawatoshi kuhudumu katika vijiji 125
