AFISA UTUMISHI WA WILAYA YA MKURANGA AELEZEA UTARATIBU WA MUUNDO MPYA AMBAO UNAANZA KUTUMIKA HAPO JULAI

Posted on: June 23rd, 2022

Ikiwa ni wiki ya Utumishi wa Umma Halmashauri ya Wilaya ya Mkuranga imeadhimisha kwa kukutana na Watumishi ambao wapo katika nyanja mbalimbali katika ukumbi wa Shule ya Sekondari  Mwinyi.

Katika kilele cha maadhimishi hayo  wawezeshaji waliweza kutoa elimu mbalimbali haswa ya mabadiliko ya muundo mpya wa kiutawala pamoja na kusikiliza changamoto za Watumishi.

Aidha Afisa Utumishi wa Wilaya ya Mkuranga Bw.Frank Komba ameeleza utaratibu wa muundo wa mfumo mpya ambao unatarajiwa kuanza kutumika ifikapo Julai 2022 huku ukiwa na mabadiliko mbalimbali.

Nae Bw. Mikidadi Mikidadi ambae ni Katibu Msaidizi wa Tume ya Utumishi wa Walimu Mkuranga (TSC) amesema Watumishi wa Umma jukumu letu kubwa ni kuhudumia jamii katika nyanja mbalimbali ambazo sisi tunazitumikia hivyo yatupasa kuendelea kufata Sheria, Kanuni, na Miongozo ambayo imekuwa ikitolewa ili kutuongoza katika kutoa huduma bora na stahiki kwa wananchi.

Katika Wiki hii ya Utumishi wa Umma Maafisa kutoka Idara ya utumishi wametembelea  vituo mbalimbali vya kazi  na kupata fursa ya  kuongea na watumishi na kusikiliza changamoto zao pamoja na kuweza kuwapa elimu.