Asma Mwinyi Foundation kuboresha Sekta ya Afya Mkuranga

Posted on: November 20th, 2019

Asasi ya kiraia Asma Mwinyi Foundation imejikita Wilayani Mkuranga Mkoa wa Pwani kuwasaidia wananchi kuboresha afya zao hatimaye waweze kushiriki kwenye ujenzi wa Taifa.

Akiwasilisha taarifa ya asasi hiyo kwenye kikao cha Baraza la madiwani kilichokutana kwenye ukumbi wa Flex Garden Kiguza, Mkurugenzi  wa asasi hiyo Bi.Asma Mwinyi aliwahakikishia Madiwani kuwa wamejipanga kujenga Hospital kwa ajili ya watoto,kukarabati hospital ya Wilaya na kujenga wodi .

Mkurugenzi  huyo ambaye ni mtoto wa Raisi Mstaafu awamu ya pili Ally Hassani Mwinyi aliongeza misaada watayotoa kwa wananchi wa Wilaya hiyo kuwa ni pamoja na ujenzi wa msikiti kwa ajili ya kufanya ibada sambamba kutenga eneo la kuosha maiti, kuchimba visima, sambamba na nguo kwa ajili  wagonjwa na wanafunzi

Aidha Asma alitumia fursa hiyo kuwaomba madiwani wamuunge mkono kwa kuwatengea eneo la ardhi ili watekeleze mazimio yao kwa maslahi ya wananchi

Naye peter ambaye ni mjukuu  wa Baba wa Taifa Hayati Mwalimu Nyerere  alisema malengo yao ni kuwaokoa akinamama dhidi ya unyanyasaji ubakaji na mimba za utotoni.

Kwa upande wake Mwenyekiti wa Halmashauri Juma Abeid aliahidi kutoa ushirikiano ili kufanikisha malengo ya Asma Mwinyi Foundation