BI.MWANTUM MGONJA AFANYA MAPOKEZI YA UKARIBISHO YA WALIMU AJIRA MPYA KATIKA HALMASHAURI YAKE

Posted on: July 8th, 2022

Halmashauri Wilaya ya Mkuranga imefanya mapokezi ya ukaribisho kwa  walimu ambao ni ajira mpya kutoka TAMISEMI jumla ya walimu 73 ambapo elimu msingi wameweza kupata walimu 33 na elimu ya sekondari wamepata walimu 40 

Mapokezi ya ukaribisho huo umefanyika katika ukumbi wa  shule ya Mwinyi  Sekondari na mgeni rasmi ni Bi.Mwantum Mgonja Mkurugenzi wa Halmashauri ya Wilaya ya Mkuranga.lengo la mapokezi hayo ni kuwapa walimu hao kanuni, taratibu na miongozo mbalimbali kabla ya kuanza kazi katika vituo vyao vipya.

Bi.Mwantum Mgonja amewapongeza  walimu wapya kwa kuweza kupata ajira  na kuwataka  kuzingatia kanuni na taratibu za kazi  kwani soko la ajira ni gumu sana na kuwataka walimu hao kuishi karibu na vituo vyao vya kazi. 

Aidha Bi.Mwantum Mgonja amemshukuru Rais wa Jamhuri ya Muungano wa Tanzania Mhe.Samia Suluhu Hassan kwa kuweza kutuona na kutupatia walimu ambapo itaweza kupunguza changamoto ya walimu katika baadhi ya shule ambazo zipo ndani  ya Wilaya yetu