BI.MWANTUM MGONJA APONGEZWA KWA USIMAMIZI MZURI WA MIRADI YA MAENDELEO

Posted on: July 6th, 2022

Mkurugenzi Halmashauri ya Wilaya ya Mkuranga Bi.Mwantum Mgonja amefanya ziara ya kikazi na kitengo cha uendelezaji maeneo ya malisho na kitengo cha uendelezaji wa miundombinu kutoka Dodoma.

Lengo la ziara hiyo ni kukagua miradi yakisima kikubwa cha kuhifadhi na kunyweshea mifugo maji ambacho kipo katika kijiji cha Matanzi katika Kata ya Beta pamoja na mradi wa mnada mkuu wa kisasa unaojengwa katika kijiji cha Chamgoi.

Katika ukaguzi wa miradi hiyo Bw.Humphery Killo Mkurugenzi Msaidizi uendelezaji miundombinu ya mifugo na Bw.Gabriel Bura Mkurugenzi Msaidizi uendelezaji wa maeneo ya Malisho wamempongeza Bi.Mwantum Mgonja pamoja na Wataalam wa Mifugo kwa usimamizi mzuri wa miradi ambayo imeweza kukamilika kwa wakati na kuahidi kushirikiana nao kwa pamoja na changamoto ambazo zimejitokeza wataweza kuzifanyia kazi.

Tuna mshukuru Rais wa Jamhuri ya Muungano wa Tanzania Mhe.Samia Suluhu Hassan kwa kuweza kuleta fedha ambazo zimeweza kujenga miradi hii ambapo kisima cha kuhifadhi na kunyweshea mifugo maji kilichopo katika kijiji cha Matanzi kimegharimu kiasi cha shilingi Mill.162,309,590.00 na Mradi wa Mnada wa Kisasa umegharimu kiasi cha shilingi Mill.300,274,584.09 ambapo Halmashauri ya Wilaya ya Mkuranga ndio msimamizi mkuu wa miradi.