Posted on: January 27th, 2021
Mkuu wa Wilaya ya Mkuranga Mkoa wa Pwani Filberto Sanga amewakabidhi Walimu Wakuu wa shule za Sekondari madawati elfu moja ili kukabiliana na changamoto sambamba na kutekeleza agizo la Waziri Mkuu Kassim Majalaiwa aliyeagiza wanafunzi wawe wamekaa kwenye madawati ifikapo februari (28) mwaka huu.
Akikabidhi madawati hayo kwenye hafla iliyofanyika kwenye karakana iliyopo ofisini kwake leo 28/1/2021 Sanga aliwaomba wadau wa maendeleo ndani nan je ya Mkoa kuongeza nguvu ili kukabiliana na changamoto ya ukosefu wa madawati unaochangiwa na ongezeko la wakazi wanaohamia na Watoto kufuatia uwepo wa viwanda na Dar-es-salaam .
Aidha kiongozi huyo aliwapongeza madiwani na waatalamu wakiongozwa na Mkurugenzi wa Halmashauri ya Wilaya Mhandisi Mshamu Munde kutoa shilingi milioni (533) ili kuongeza nguvu katika ujenzi wa madarasa shule za msingi na sekondari
Kiongozi huyo alimpongeza Rais Dkt. John Pombe Magufuli kuwachangia Mil. ( 7) na Mbunge wa Jimbo ambaye pia ni Naibu Waziri Sanaa utamaduni na Michezo Abdalla Ulega mil. (2)
Akihitimisha Sanga aliwataka Madiwani wawahamasishe wazazi na walezi wawapeleke Watoto wao shule kabla ya kuwachukulia hatua za kisheria.
Ofisi ya Mkurugenzi Halmashauri ya Wilaya ya Mkuranga
Postal Address: P. O. Box 10, Mkuranga, Pwani, Tanzania
Telephone: +255232110038
Simu ya Mkononi:
Barua Pepe: ded@mkurangadc.go.tz; ded.mkuranga@pwani.go.tz
