DC Mkuranga akagua shughuli ya Sensa Kisiwani Koma na Kwale..

Posted on: August 24th, 2022

Mkuu wa Wilaya ya Mkuranga Mh. Khadija Nasri Ali leo tarehe Septemba 24, 2022 ameiongoza Kamati ya Ulinzi na Usalama katika ziara ya kukagua shughuli ya Sensa ya watu na makazi katika kisiwa cha Koma kilichopo kata ya kisiju Wilayani humo.

Katika ziara hiyo Mh. Nasri alikagua namna ambavyo makarani wanatekeleza majukumu sambamba na kusikikiza maoni ya wananchi juu ya zoezi linaloendelea.

Akizungumza wakati wa ziara hiyo mwenyekiti wa kijiji cha Koma ndg. Hamisi Omary amewashukuru wananchi kwa namna walivyounga mkono juhudi za Serikali katika kufanikisha shughuli ya sensa ya watu na makazi ambapo mpaka sasa takribani asilimia 50 ya wakazi wa eneo hilo wamefikiwa.

Halmashauri ya wilaya ya mkuranga ina kata 25 yenye vijiji 125 na vitongoji 477 ambapo kati ya Vijiji hivyo, vitatu vipo kisiwani ambavyo ni Kwale, Koma na Kuruti.