DC MKURANGA AMHAKIKISHIA RAIS KUWALETEA MAENDELEO WANANCHI.....

Posted on: June 28th, 2021

Mkuu wa Wilaya ya Mkuranga Mkoani Pwani Mh. Hadija Nasri Ally amempongeza Rais Samia Suluhu kwa kumteua kwenye nafasi hiyo huku akimhakikishia kufanya kazi kwa weledi na uaminifu kuwaletea maendeleo wananchi.

Akizungumza kwenye makabidhiano ya Ofisi leo Juni 29, kiongozi huyo wa kamati ya ulinzi na usalama Wilaya alitumia fursa hiyo kumpongeza Mkuu wa Wilaya Mlele  Mkoani Katavi Filberto Sanga  aliyekua Mkuranga kwa kusimamia vema Halmashauri ya Wilaya na kufanikiwa mwaka 2019/20 kukusanya mapato bilioni 6.4 sawa na asilimia (104) sambamba na kupata hati safi kwa miaka mitano mfululizo.

Aidha HAdija aliwaomba Madiwani wasimamie mapato ya Halmashauri na kubuni vyanzo vipya vya mapato pia kusimamia miradi ya maendeleo huku akiwataka watumishi wasimamie kwa vitendo ilani ya Uchaguzi (CCM) na kufuata taratibu na sheria.

Naye Mkuu wa Wilaya Sanga alimpongeza Rais kwa kumuamini tena kuongoza Wilaya Mlele huku akiweka bayana baadhi ya Mafanikio tangu mwaka (2016) ni vitongoji (475) Vijiji 125, na kata 25 kuongozwa na Ccm kufuatia uchaguzi uliopita.

Kwa upande wake Mkurugenzi wa Halmashauri Mhandisi Mshamu Munde alimpongeza Sanga kwa kuwapa ushirikiano mkubwa na kufanikiwa kuboresha maendeleo ya wananchi hukU akimhakikishia Mkuu wa Wilaya kutekeleza maagizo yake kwa manufaa ya Wilaya na Taifa kwa ujumla.

Akitoa neno Mwenyekiti wa Halmashauri ya Wilaya Mohamed Mwera alimpongeza Mkuu wa Wilaya Sanga Kwa kuwatendea haki kwenye Nyanja mbali mbali za maendeleo huku akimkaribisha Mkuu mpya na kuahidi Baraza lake la Madiwani kumpa ushirikiano.