DC Mkuranga aongoza harambee Ujenzi wa Kituo cha Polisi

Posted on: October 27th, 2022

Mkuu wa Wilaya ya Mkuranga Bi. Khadija Nasr Ali jana ameongoza Wananchi na wadau mbali mbali wa Maendeleo wa Kata ya Tambani Wilayani Mkuranga kuchangisha Fedha na Vifaa kwa ajili ya umaliziaji wa kituo kipya cha Polisi.

Kituo hiko kinachojenga kwa nguvu za Wananchi kimeonekana kitakuwa msaada mkubwa sana kwa ulinzi wa wananachi na mali zao.

“Lakini tukaona sasa tumeona kuna umuhimu wa kuendelea na ujenzi wa Kituo hiki ili kuimarisha suala la Ulinzi na Usalama” Mkuu wa Wilaya alisema.

Aidha Bi. Khadija ameshukuru wananchi na wadau bila ya kuwasahau Wafanyabiashara kwa kuungana na Viongozi wa Serikali kuhakikisha kunapatikana vifaa na fedha kwa ajili ya kuimarisha na kukamilisha kituo hiko.

“Lengo la Serikali ni Kuendelea kutoa hamasa kwa wananchi kwa sababu suala la Ulinzi na Usalama ni suala shirikishi hivyo tutaendelea kutoa hamasa hii na kusimamia ili tuweze kuhakikisha Wilaya yetu inakuwa salama na Wananchi wanaendelea na Shughuli za kuleta Uchumi” Mkuu wa Wilaya Alisisitiza

Katika Harambee hiyo Wananchi walichangia kiasi cha Shilingi Laki Nane (800,000/=) papo hapo sambamba na wengine kutoa ahadi, na jengo hilo linatarajiwa kukamilika mwishoni mwa Mwezi Novemba Mwaka huu.