DC MKURANGA APIGA MARUFUKU UKATAJI MITI YA MIEMBE NA KUZUIA UTOLEWAJI VIBALI VYA KUKATA MITI HIYO KWA KUCHOMA MKAA.....

Posted on: June 4th, 2021

Minde Honorata.

June 5, 2021

PWANI

Mkuu wa Wilaya ya Mkuranga Filberto Sanga amepiga marufuku ukataji miti ya miembe  pamoja na kuzuia utolewaji Vibali  vya Ukataji wa Miti  hiyo, ambayo kwa sasa  imeonekana  ipo kwenye hatari kubwa ya kutoweka kutokana na kuvunwa kwa wingi kwa ajili ya kuchoma  Mkaa

Filberto alitoa  maagizo hayo kwenye kilele cha maadhimisho ya siku ya mazingira Dunia ambayo Wilayani Mkuranga yaliadhimishwa kwa shughuli za kufanya usafi katika Hospitali ya Wilaya ya Mkuranga

Alisema tatizo la ukataji miti hususani ya miembe kwa ajili ya kuchoma Mkaa limethiriwa kwa kiasi Kikubwa Wilayani Mkuranga na hivyo amewaagiza watendaji katika idara zote zinazohusika kuhakikisha vitendo hivyo vya ukataji mito ovyo vinadhibitiwa

“miti ya matunda hususani ya miembe inakatwa sana kwa ajili ya kuchoma Mkaa na hali  itatupeleka mahali ambapo tunda la embe hatutaliona kwa kuwa miti yake inakatakwa ,hivyo waataam simamieni hili na msitoe vibali vya kukata miti hiyo ili  kuepukane na hatari ya kutoweka  miti hiyo” Sanga alisema

Kaimu DED  Halmashauri ya Mkuranga Benjamini Majoe alieleza shughuli za binadamu kama vile utunzaji mbovu wa ardhi ,matumizi ya endelevu ya rasilimali pasipo kuzingatia  utunzaji wa uhifadhi, kilimo cha kando ya vyanzo vya maji ni baadhi ya sababu zinazochangia uhalibifu wa mazingira

“kuna madhara mengi ambayo yanasababishwa na uhalibifu wa mazingira ikiwa ni  pamoja na kutoweka kwa makazi ya viumbe hai ,kutoweka kwa baoanuai ,upotevu kwa  rasimali za misitu ambazo usababisha mabadiliko ya tabia nchi na uharibifu wa ardhi unaochochea  kupunguza uwezo wa udongo katika kuzalisha mazao ya chakula na biashara,” alisema

Mwenyekiti wa Halmashauri hiyo Mohamed Mwela amewataka  vijana kuunga mkono jitihada za serikali za kudhibiti uhalibifu wa mazingira kwa kuanzisha vikundi kupitia mikopo ya asilimia kumi  inayotolewa na halmashauri iili  waweze kukusanya  taka ngumu na kuziuza  kwenye viwanda vya  mkoani Pwani

Beatrice Mkera Kaimu Afisa Mazingira Halmashauri ya Mkuranga amezungumzia vitendo vya ukataji miti ovyo  katika  makazi ya Wanyama kunavyosababisha  baadhi ya Wanyama wakali kuonekana kwenye maeneo ya makazi ya watu kwa kuwa maeneo yao ya asili yameathiriwa”

‘sasa hivi tunaona Wanyama kama tembo , simba wanaonekana katika maeneo  ya makazi ya watu na  haya yote ni matokeo ya watu kuvamia kwenye makazi ya Wanyama hao  na kukata miti kwa ajiil ya kuchoma mkaa na si Wanyama wakubwa pekee wanaoathirika bali hata bakteria wa kuzalisha udongo wapo hatarini kupotea ’ Beatrice alisema

Kauli mbiu ya Mwaka huu ya maadhimisho ya siku ya mazingira duniani ni  matumizi ya nishati mbadala kuongeo mfumo wa Ikolojia  

MWISHO