DC MKURANGA AWASILISHA TAARIFA YA UTEKELEZAJI WA ILANI YA UCHAGUZI

Posted on: July 23rd, 2024

Mkuu wa Wilaya ya Mkuranga Khadija Nassir Ali amewasilisha Taarifa ya utekelezaji wa Ilani ya uchaguzi ya Chama cha Mapinduzi kipindi cha Januari 2024nhadi Juni 2024 Wilaya ya Mkuranga.

Zoezi hilo la kuwasilisha taarifa hiyo limefanyika katika Ukumbi mpya ulioko Kijiji cha Mwanambaya Kata ya Mipeko.

Akitoa utangulizi wa taarifa hiyo Mkuu wa Wilaya amesema katika kuimarisha hali ya ulinzi na usalama Wilaya inaendelea na ujenzi wa kituo cha Polisi makao makuu ya Wilaya ambacho kinagharimu kiasi cha tshs 300,000,000 sambamba na kuzindua kituo cha Polisi Kata ya Tambani.

Aidha katika taarifa hiyo ziliwasilishwa taarifa mbalimbali za kisekta ambazo kwa kuzingatia matakwa ya ibara mbalimbali za ilani ya Chama cha Mapinduzi ya Mwaka 2020  na kuonesha mafanikio makubwa katika utekelezaji wake.

Hata hivyo,  Serikali ya awamu ya Sita hadi sasa inatimiza takribani Miaka mitatu na miezi mitatu toka iingie madarakani mwezi Machi, 2021 na Mhe. Dkt. Samia Suluhu Hassan, Rais wa Jamhuri ya Muungano wa Tanzania alitoa mwelekeo wa Serikali yake wakati akihutubia Bunge la Jamhuri ya Muungano wa Tanzania tarehe 22 April, 2021 Jijini Dodoma.