DC MKURANGA AZINDUA CHANJOYA CORONA

Posted on: August 2nd, 2021

Mkuu wa Wilaya yaMkuranga Mkoa wa Pwani Hadija Nasri Ali amezindua chanjo ya kitaifa kwa Wilaya  hiyo naye akichanjwa sambamba na Mbunge ambaye pia ni Naibu Waziri wa Mifugo na Uvuvi Abdalla Ulega.

Akiwahutubia  wananchi kwenye godown iliyopo Kijiji cha Mkuranga kiongozi huyo aliwatoa hofu wananchi waliojitokeza kuchanja kwani ipo salama.

Kwa upande wake Mbunge Ulega alimhakikishia Mkuu huyo ushirikiano huku akimwomba apate ushauri kwa wazee huku akiwataka wananchi kufuata maelekezo ya serikali yaliyotolewa na Rais  Samia Suluhu kuchukua tahadhari dhidi ya ugonjwa wa UVIKO -19 awamu ya tatu kwani unaua.

Akiendelea aliwataka wananchi wajitokeze kwa wingi kuunganishiwa maji ambayo ni mkopo miezi (12) DAWASA

Sambamba na hilo wananchi mbali mbali waliomba Serikali kubadili hadhi ya Kijiji na kuwa mji mdogo ili kuongeza maendeleo.

Mganga Mkuu wa  Wilaya Dr Ally Mbikilwa alisema vituo vya chanjo ni HospitalI ya wilaya , kituo cha afya kilimahewa na zahanati ya Vikindu.