DED Waziri kombo akabidhiwa ofisi Mkuranga

Posted on: June 15th, 2023

Aliyekuwa Mkurugenzi Mtendaji wa Halmashauri ya Wilaya ya Mkuranga Mwantum Mgonja amekabidhi rasmi Ofisi kwa Mkurugenzi mpya wa Halmashauri ya Wilaya ya Mkuranga Ndg. Waziri Kombo.

Makabidhiano hayo yamefanyika katika ukumbi wa mikutano wa Halmashauri ya Wilaya na kuudhuriwa na wakuu wa idara na watumishi wa halmashauri.

Akizungumza kwenye makabidhiano hayo  Mwantum Mgonja amemshukuru  Rais wa Jamhuri ya muungano wa Tanzania Mhe. Samia Suluhu Hassani kwa kuendelea kumuamini na kumteua tena kuiongoza Manispaa ya Kigoma Ujiji.

Vilevile amewashukuru watumishi wote wa Halmashauri ya Wilaya ya Mkuranga akiwemo mwenyekiti wa halmashauri  Mohammed mwera  kwa ushirikiano wao tangu  alipowasili kwenye Halmashari ya Wilaya kama Mkurugenzi Mtendaji Agosti 9, 2021.

Aidha alitumia nafasi hiyo kumkaribisha  Mkurugenzi mpya wa Halmashauri ya Wilaya ya Mkuranga  Waziri Kombo na kuwataka watumishi wa Halmshauri  kumpa ushirikiano ili  kwa pamoja waweze kutimiza malengo ya serikali.

Nae Mkurugenzi mtendaji  wa Halmashauri ya Wilaya ya Mkuranga  Waziri Kombo amewaomba watumishi wa halmashauri wampe ushirikiano kama waliokua wanampa Mkurugenzi aliyeondoka na amewaahidi watumishi hao kuendeleza mazuri yote aliyoacha Mkurugenzi mtendaji aliyepita na kufanya zaidi, lakini amewasisitiza kufanya kazi kweli kweli na kwa ushirikiano mkubwa.

 Akizungumza pia kwenye hafla hiyo  ya makabidhiano Mwenyekiti wa Halmashauri ya Wilaya ya Mkuranga Ndg. Mohammed Mwera  kwa niaba ya Baraza la Madiwani amemshukuru na kumtakia kheri kwenye majukumu mapya ya kazi Mwantum Mgonja Mkurugenzi anayehamishiwa Kigoma Ujiji na kwa upande wa Mkurugenzi Waziri Kombo amemsihi kuwapokee na kuwasikiliza wote watakaofika ofisini kwake  na kutekeleza maombi na ushauri wao.