HALMASHAURI MKURANGA YAPONGEZWA KUFULULIZA HATI SAFI KWA MIAKA 3

Posted on: July 10th, 2019

 HALMASHAURI  ya Wilaya  ya Mkuranga Mkoa wa Pwani  imepongezwa kufuatia uzingatiaji  wao sheria na kanuni kwenye makusanyo na matumizi ya fedha za serikalihali inayochangia kupata hati safi ya ukaguzi miaka mitatu mfululizo

akizungumza kwenye baraza maalum la madiwani ili kujadili majibu ya hoja za mkaguzi na mdhibiti  mkuu wa hesabu za fedha za serikali (CAG) kwenye ukumbi wa flex garden juzi Mkuu wa Mkoa Mhandisi Evarist Ndikilo  aliwataka wasibweteke na mafanikio hayo bali iwe chachu ya kuimarisha kitengo cha ukaguzi wa ndani sambamba na kufunga hoja zilizobaki ifikikapo agosti 30 mwaka huu

Mhandisi Ndikilo ambaye pia mlezi wa Halmashauri alimpongeza Mkurugenzi wa Halmashauri Mhandisi Mshamu Munde kwa kupanua wigo wa mahusiano kati yake Madiwani, wataalamu, ofisi ya mkuu wa Wilaya na Chama tawala (CCM) hali iliyofanikisha kupaisha  mapato ya ndani na kufanikisha utekelezaji ilani ya uchaguzi (CCM) sekta mbali mbali

kwa upande wake Mkurugenzi  Munde alimuhakikishia Mkuu wa Mkoa kutekeleza maagizo yote ikiwemo kuimarisha ukaguzi wa awali sambamba na kuwa nao wakaguzi kwenye hatua zote ili kupunguza hoja

naye mtunza hazina wa Halmashauri Medani  Jekamaya alizitaja hoja zilizofungwa kuwa ni pamoja na jengo la viwatilifu kutumikaa na idara ya usalama taifa, watumishi kuhamia nyumba za serikali na kununua madawa nje(msd) bila kuwepo kwenye maghala yao

aidha Medani alisema zipo hoja ambazo wanazitekeleza hivyo kuwepo uwezekano mkubwa kujifunga   zenyewe