HALMASHAURI YA MKURANGA WAUNGANA NA LUKUVI

Posted on: September 15th, 2019

WANANCHI wa vijiji vinavyounda Wilaya ya Mkuranga  Mkoa wa Pwani  wameamua kuunda kamati  za kuhamasisha na kufatilia fursa ya urasimishaji ardhi hatimaye waweze kupata hati ya umiliki iweze kuwasaidia kwenye masuala mbalimbali ikiwemo mikopo katika taasisi za fedha

Akizindua zoezi la upimaji na umilikishaji ardhi kwenye kijiji cha marogoro juzi, Mkurugenzi wa Halmashauri ya wilaya Mkuranga Mhandisi Mshamu Munde aliwapongeza wananchi wa vijiji vya Mfuru mwambao,Yavayava,na Marogoro kwa mwamko wao wa kulipia Halmashauri sh.laki na nusu kila mmoja za urasimishaji huku akiviagiza vijiji vingine vichangamkie fusra hiyo ambayo imeletwa na serikali  ya awamu ya tano inayoongozwa na Raisi Dkt.John Pombe Magufuli 

Munde aliwataka wananchi hao wanaozidi 100 watumie muda huu kabla septemba 29 mwaka huu ambapo wataalamu wa ardhi wataanza kupima na kumilikisha wasafishe maeneo yao, wajaze fomu maalumu yenye nakala ya malipo ya benki ili kuepuka  migongano.

Kwa upande wake Afisa  ardhi mteule   wa Halmashauri ya Wilaya Musa Kichumu alisema wameamua kutekeleza maagizo ya Waziri wa ardhi, nyumba, na maendeleo  ya makazi  William Lukuvi kuwatoza wananchi hao laki na nusu huku wakizingatia kutenga  barabara  za mitaa maeneo ya huduma za jamii yakiwemo ya kuzikia

Naye Diwani wa kata ya vianzi yenye mradi huo Nassoro Chuma  alimpongeza  Mkurugenzi Munde kwa kushughulikia mapema mchakato huo wa urasimishaji  kwa wananchi wake  huku akiwaagiza watendaji wa vijiji vya kata hiyo wahamasishe wananchi wafaidike na mpango huo sambamba na kuwa nao bega kwa bega  wataalamu  wa ardhi katika upimaji na umilikishaji

Akitoa neno la shukrani katibu wa kamati ndogo ya mipango miji ambaye pia ni mnufaika  Twahil Shabani “kamona” alimwomba Mkurugenzi Munde awasiliane na meneja wa (TARURA) Wilaya Mhandisi Peter Shirima ili akarabati barabara ya vikindu hadi sangatini iwe rahisi kusafirisha vifaa vya ujenzi maeneo yao.