HALMASHAURI YA WILAYA YA MKURANGA YAFANYA MKUTANO MAALUM NA WATENDAJI WA VIJIJI KUHUSU ANWANI ZA MAKAZI(SENSA)

Posted on: February 14th, 2022

Halmashauri ya Wilaya ya Mkuranga imefanya Mkutano na watendaji wa vijiji wa katika Halmashauri katika ukumbi wa Flexi Garden uliopo Kiguza  lengo likiwa kutoa elimu kuhusu Anwani za Makazi.

Katika Mkutano huo uliongozwa na Kaimu Mkurugenzi wa Halmashauri ya Wilaya ya Mkuranga Bi.Arafa M.Halifa amesema zoezi hili ni muhimu hivyo tunatakiwa kushirikisha wananchi na lisiwe la kumbuguza mwananchi hivyo basi hatutarajia kuona Mtendaji anakwamisha zoezi hili. Pia amesema  Mkurugenzi Bi.Mwamtum ametoa maagizo ya kwamba zoezi hili likamilike Mwezi wa tatu (3) angalau ikifika mwezi wa nne (4) akabidhiwe Mkuu wa Wilaya  Bi.Hadija Nasir Ally na yeye apitie kwaajili ya mwezi wa tano (5) kukabidhi Mkoani.

Aidha Afisa Tarafa Bw.Johnson.J.Makalanga amesema kuwa tupo kwenye zoezi zito sana na ni muhimu Kitaifa kiujumla hivyo amewataka watendaji kata kuwahamasisha wananchi umuhimu wa Sensa (Anwani za Makazi) kwani itarahisisha kujua nini wanatakiwa kufanya juu ya hili zoezi hivyo amewasisitiza kuwa hili zoezi halina likizo,wala sikukuu ili kuweza kukamilika kwa wakati.

Nae Afisa Utumishi wa Wilaya Bwana Frank Komba amesema zoezi hili ubunifu ni kitu cha muhimu hivyo nina imani yapo mambo mengi ya kujifunza na tunapaswa kulitekeleza zoezi hili na limalizike kwa wakati.Aidha amesisitiza kuwa zoezi hili halipaswi kuwa kero kwa wananchi hivyo nina  imani kwa zoezi litaenda vizuri na tutumie rasilimali zetu kwenye vibango vya mitaa na tuchukulie zoezi hili ni jepesi.