KAMATI YA SIASA WILAYA YA MKURANGA YAKAGUA MIRADI YA MAENDELEO

Posted on: March 17th, 2022

Kamati ya siasa wilaya Mkuranga Mkoa wa Pwani leo tarehe 16/3/2022  imetembelea na kukagua miradi inayotekelezwa ndani ya wilaya  ikiwa ni sehemu ya usimamizi wa ilani ya Chama cha Mapinduzi.

Akizungumza wakati wa ziara , Mwenyekiti wa CCM wilaya ya Mkuranga Ndg. Ally Msikamo Kwa niaba ya kamati  alionyesha kuridhika na utekelezaji wa Ilani ya CCM baada ya kupokelewa kwa taarifa hiyo kwenye kikao cha Halmashauri kuu ya CCM Wilaya ya Mkuranga.

Aidha Alipongeza jitihada na ushirikiano anaopata kutoka kwa mkuu wa Wilaya, Waheshimiwa Madiwani wa Halmashauri ya Wilaya ya Mkuranga katika kuhakikisha kuwa shughuli za maendeleo ndani ya Wilaya zinatekelezwa vizuri na kusisitiza kuendelezwa kwa  ushiriano huu ili kuwaletea maendeleo wananchi wa Mkuranga kama ambavyo Ilani ya CCM inaelekeza.

Akiwasilisha Taarifa ya utekelelezaji wa Ilani ya Uchaguzi ya CCM, Mkuu wa Wilaya ya Mkuranga ambae pia ni Mjumbe wa Kamati ya Siasa ya Wilaya Bi Hadija Ali alisema, Wilaya imeendelea kutekeleza miradi mbalimbali ya maendeleo kisekta ikiwa ni pamoja na utoaji wa Elimi bure kwa shule za msingi na sekondari, ujenzi wa miundombinu ya elimu na afya, maji, Barabara pamoja na kunusuru kaya masikini kupitia mpango wa TASAF. Utekelezaji huu umechangiwa kiasi kikubwa kutokana na ushirikiano unaotolewa na viongozi wa chama tawala katika ngazi zote pamoja na kuimarika kwa Ulinzi na Usalama ndani ya Wilaya.

Mwantumu Mgonja Mkurugenzi mtendaji ameeleza ya kuwa kwa kuwa ameaminiwa kusimamia miradi ya maendeleo na shughui zote za halmashauri atazitekeleza kwa vitendo na kwa ufanisi huku akisimamia sheria kanuni na taratibu zote za utumishi wa Umma.