KATIBU MKUU WIZARA YA MIFUGO NA UVUVI MHE.NZUNDA TIXON AMEIPONGEZA HALMASHAURI YA WILAYA YA MKURANGA KWA USIMAMIZI MZURI WA MIRADI YA WIZARA HIYO

Posted on: May 20th, 2022

Katibu Mkuu Wizara ya Mifugo na Uvuvi Mhe.Nzunda Tixon amefanya ziara ya ukaguzi wa miradi ya Serikali ambayo Halmashauri ya Wilaya ya Mkuranga ndio msamizi mkuu .Katika ziara hiyo amekagua mnada mkuu wa kisasa unaojengwa katika kijiji cha Chamgoi unaogharimu kiasi cha shilingi milion 300,274,584.09  pamoja na kisima kikubwa cha kuhifadhi maji na kunywesha mifugo maji katika kijiji cha Matanzi kata ya Beta unaogharimu kiasi cha shilingi milioni 162,309,590.00 ambapo fedha hizo zikiwa zimetoka serikali kuu.

Mhe.Nzunda Tixon amesema katika ujenzi wa mnada amewataka wananchi kusimamia mradi huo kwani sio wa serikali pekee ake hivyo kwa pamoja wanatakiwa kushirikiana ili uweze kukamilika na amewataka wafuge mifugo yao kwanjia ya kisasa zaidi kwani itawapa thamani zaidi kwani ndani ya mnada huo watatumia njia za kielotroniki ambapo wanunuzi watatoka nchi mbalimbali na watauona mifugo yako kwa kutumia mifumo maalum hivyo amewataka kuhakikisha mifugo yao wanapata chanjo,chakula cha kutosha,maji na wanapata majosho ili thamani ya mifugo iwe nzuri kwao.

Aidha amempongeza Afisa Kilimo wa Wilaya Bi.Anna Kiria kwa usimamizi mzuri wa miradi na kumtaka kuhakikisha miundombinu inayojengwa ijegwe kwa thamani ya pesa na kuzingatia ramani pamoja na mikataba kwa wakandarasi.

Pia amemwagiza Mkurugenzi Mtendaji wa Halmashauri kujenga machinjio ya dharura nje ya mnada na kuhakikisha mifugo yote ndani ya Wialaya imevaa hereni ikiwa ndio utambulisho mkuu.