KATIBU TAWALA MKOA WA PWANI AFANYA ZIARA WILAYA YA MKURANGA YA KUKAGUA MIRADI YA MAENDELEO SAMBAMBA NA KUZUNGUMZA NA WATUMISHI

Posted on: November 3rd, 2022

Katibu Tawala Mkoa wa Pwani Bi. Zuwena Omari amefanya ziara ya kutembelea Miradi ya Ujenzi wa Shule mpya ya Sekondari Kisegese na Mradi wa ujenzi wa Kituo cha Afya Msorwa.

Akiongozana na Mkurugenzi Mtendaji wa Halmashauri ya Wilaya ya Mkuranga Bi. Mwantum Mgonja, Katibu Tawala ameweza kujionea Miradi hiyo ambapo amepongeza usimamizi wa miradi hiyo na kupongeza kamati za ujenzi pamoja na wataalam kutoka Halmashauri ya Wilaya ya Mkuranga.

Bi.Zuwena Omari amesisitiza miradi hiyo kuendelea kusimamiwa kikamilifu ili iweze kukamilika kwa wakati. Katibu Tawala huyo wa Mkoa wa Pwani pia amepata Muda wa kuzungumza na watumishi katika ukumbi wa Flexi Garden Kiguza na kuwakumbusha kanuni na taratibu za Utumishi wa Umma kwa Watumishi wote wa Halmashauri hiyo.