MADIWANI MKURANGA WAPITISHA BAJETI YA BILIONI 49.7...

Posted on: February 18th, 2021

Madiwani wanaounda Halmashauri ya Wilaya ya Mkuranga Mkoa wa Pwani wamepitisha bajeti ya Halmashauri yenye jumla ya sh. Bil. 49.7 zikiwemo bilioni 7.8 zinazotarajiwa kukusanywa kupitia mapato ya ndani ili kutekeleza miradi ya maendeleo sekta mbali mbali kwa mwaka 2021-22

Akitoa taarifa kwenye kikao hicho maalum leo 18/2/2020 Afisa Mipango wa Halmshauri ya Wilaya Bi Kaunga Amani alitaja vipaumbele vya bajeti hiyo ni utekelezaji wa Ilani ya Uchaguzi (CCM) ya  mwaka 2020-25 sera ya Nchi na maelekezo ya Serikali kupitia Waziri wa (TAMISEMI) Selemani Jafo.

Akichangia kwenye Baraza hilo Diwani wa Kata ya Dondwe Abduli zombe alimpongeza Mkurugenzi wa Halmashauri ya Wilaya Mhandisi Mshamu Munde ameahidi  kusimamia vyanzo vipya vya mapato hususani kwenye fukwe za kisiju, kwale na palacha ambavyo vina historia kubwa katika Nchi

Akitoa salamu Mbunge wa jimbo la Mkuranga ambaye pia ni  Naibu Waziri wa Habari ,Sanaa, utamaduni na michezo Abdallah Ulega aliwapongeza Madiwani  kwa kuibua hoja za kuendeleza mapato kutokana na  fukwe zilizopo katika Halmashauri hiyo huku akiahidi kutumia vikao vya juu kuboresha  barabara ikiwemo ya  kutoka Kisiju hadi Mkuranga na Vikindu hadi Vianzi

Akifunga kikao Mwenyekiti wa Halmashauri  Mohamed Mwela aliwataka wataalamu wasimamie ubora wa miradi ya maendeleo huku akiweka wazi kuwa mkali  Kwenye makusanyo hatimae wananchi wafaidike na maendeleo.