Marafiki wa Elimu Mkuranga Watetea chakula shuleni

Posted on: May 27th, 2019

Wazazi na walezi wa wanafunzi wanaosoma kwenye shule za msingi na sekondari  Wilayani Mkuranga Mkoa  wa  Pwani wametakiwa kujenga utamaduni wa kuchangia chakula ili kuboresha ushiriki wa watoto wao sambamba na kupaisha kiwango cha ufaulu

Akifungua mkutano wa marafiki wa elimu Wilayani humo uliofanyika kwenye ukumbi wa parapanda Mkuranga jana Afisa elimu sekondari wa Halmashauri ya Wilaya Benjamini Majohe alipongeza asasi  ya kiwalani  inayoongozwa na Rehema Ngelekele kwa kusimamia utafiti kwenye shule (19) uliolenga kuibua changamoto zinazowakabili watoto wa kike .

Aidha aliwahakikishia wanafunzi wa kike na wazazi kiujumla kuwa Halmashauri  ya wilaya kwa kushirikiana na wadau mbalimbali watahakikisha wanawakomboa kwenye changamoto hizo kuu za ukosefu wa chakula ,mila na desturi kandamizi miundo mbinu kwa watoto wenye ulemavu na kujenga uzio mashuleni.

Nao marafiki wa elimu walichangia changamoto za utafiti kwa kuziomba Mamlaka  husika zisimamie wazazi wapewe elimu ya jinsia na watoto wa kike wachezwe unyago  baada ya elimu ya msingi sambamba na  Halmashauri ya Wilaya itunge sheria ndogo itakayowabana kwenye vibali wa vigodoro walinde mmomonyoko wa maadili hususani kwa watoto wa kike wenye umri mdogo

Kivutio kikubwa kilikuwa shairi lenye beti kumi lililosomhawa kwa kichwa na mwanafunzi wa kike darasa la saba anayesoma shule ya msingi Mponga,Tatu Hamisi aliyetoa ushuhuda wa umuhimu wa kumuelimisha mtoto wa kike akiwataja viongozi akiwemo makamu wa Raisi Bi. Samia  Suluhu Hassani huku akiwapongeza shirika la Haki Elimu kwa kuwezesha utafiti na mkutano