MASHAMBA PORI YAREJESHWA KWA WAANCHI MKURANGA

Posted on: August 5th, 2020

Waziri wa ardhi nyumba na maendeleo ya makazi William Lukuvi ametekelea maagizo ya Rais Dkt. John Pombe Magufuli na kufanya maamuzi magumu ya kurejesha kwa wananchi wa Wilaya ya Mkuranga Mkoa wa Pwani ardhi ambayo ilimilikiwa bila kuendelezwa.

Akizungumza na wataalamu, vyombo vya ulinzi na usalama na watendajai wa Halmashauri hiyo Lukuvi  alimwagiza kamishna msaidizi  wa ardhi mkoa Lucy Kabyemera kupiga kambi na wataalamu wake wilayani humo ili kuhakikisha wanapima na kumkabidhi Hekari (3347) Mkurugenzi wa Halmashauri Mhandisi Msham Munde awape bure wakazi wa vijiji vya kata za Vikindu, Mipeko na Tambani.

Aidha Lukuvi amemtaka mmiliki wa kampuni ya Soap and Allied Industries Ltd  Emtinyazi Ahmed kuanza upya maombi ya kumiliki Hekari 875 huku akiwapa miezi mitatu  wamiliki  Rajwan Karim na Ahmed Marji wafanye mchakato wa kukabidhi hati ambayo wamechukulia mkopo benki.

Akitoa neno la shukrani Naibu Waziri wa Mifugo na Uvuvi ammbaye pia alikua Mbunge wa jimbo la Mkuranga  Abdalla Ulega alimpongeza  Waziri Lukuvi kwa kutekeleza kwa wakati maagizo ya Raisi  ambayo yamerejesha amani na utulivu kwa wakazi wa vijiji vya Luzando, Mwanambaya,Mlamleni Mipeko sambamba na Lugwadu,Kazole na Magodani, huku akiwataka wananchi watoe ushirikiano kwenye zoezi la upimaji na kumilikishwa.

Katika ziara hiyo ambayo Lukuvi aliongea na wananchi wa vijiji hivyo na kushuhudia maeneo hayo alimpandisha cheo Mkuu wa Idara ya ardhi Mussa Kichumu Ambaye awali alikua afisa ardhi mteule kufuatia uwajibikaji na uadilifu wake.