MDAU MKURANGA AWAKABIDHI WATOTO MCHELE GUNIA 10....

Posted on: June 13th, 2019

Watoto wa Wilaya ya Mkuranga  Mkoa Pwani  wamepata faraja kuelekea siku ya mtoto wa Afrika kufuatia mdau wa maendeleo kuikabidhi Halmashauri  ya Wilaya  magunia kumi ya mchele

Akiwakabidhi msaada huo juzi  kwenye ofisi ya Halmashauri Mdau  Ahmed Salum  aliweka bayana amewalenga watoto ili kuwatia moyo katika changamoto mbalimbali  wanazokutana nazo          

Ahmed pamoja na kusema  misaada hiyo ni endelevu alitumia fursa hiyo kuipongeza serikali kwa masuala ya sheria na sera kwenye ubakaji na kutoa adhabu ya kifungo miaka (30) au maisha kwa kosa la ubakaji  ambalo waathirika wakubwa na watoto

Kwa upande wake Mkurugenzi wa Halmashauri ya Wilaya Mhandisi  Mshamu Munde alishindwa kutafuna maneno kwa kumtaja Ahmed kuwa mfano wa kuigwa kufuatia michango yake mingi sekta mbalimbali

Munde aliyewakilishwa na mkuu wa idara ya maendeleo ya jamii wa Halmashauri hiyo Peter Nambunga  alipokea mchele huo sambamba na mabango makubwa matatu ya sherehe hiyo itayofanyika kijiji cha Bupu huku akimkabidhi barua ya shukrani

Nambunga alivitaka vikundi vya ujasiliamali vijiji mbali mbali vinavyofaidikaa na mikopo inayotolewa kwa  wakati na Halmashauri ya wilaya kulenga  zaidi miradi ya kilimo ambayo watoto watafaidika na uhakika wa chakula mashuleni pia majumbani

Hafla hiyo ilihudhuriwa pia na mtunza hazina wa wa Halmashauri Medani Jekamaya  sambamba  na mratibu  wa TASAF Safina Msemo aliyembatana  na wataalamu mbalimbali .