MGANGA MKUU WA WILAYA YA MKURANGA BW.ALI MBIKILWA AMEWATAKA WANAKAMATI KUWA MABALOZI WAZURI WA ULAJI BORA WA CHAKULA HUKU UKIZINGATIA MLO KAMILI

Posted on: May 25th, 2022

Kamati ya Lishe Wilaya ya Mkuranga Mkoa wa Pwani leo Mei 25,2022 imeketi kujadili taarifa za Robo ya tatu kwa Mwaka wa Fedha 2021/2022  kujadili taarifa ya utekelezaji  wa shughuli  za lishe ngazi ya kata na vijiji kwa kipindi cha Jan-Machi 2022.

Wakijadili  mada tofauti zikizowasilishwa wakati wa kikao, Mganga Mkuu wa Wilaya Ali Mbikilwa  amewaomba wana kamati kuwa mabalozi  wazuri wa ulaji bora wa chakula huku ukizingatia mlo kamili.

Aidha Mkuu huyo alisema uamuzi wa ushirikishwaji wa Idara zote  katika shughuli za Lishe umepelekea kufanya vizuri wakati walipokua wanapokea matokeo ya upimwaji katika kikao cha tathmini ya lishe robo ya pili na kupata ushindi kati ya Halmashauri zote 9 za Mkoa wa Pwani. 

"Kamati ya Lishe (W) sisi ndio  wasimamizi wa shughuli za lishe  ngazi ya kata kwa hiyo tuhakikishe mkataba wa lishe unafatwa kwa kata zetu  zote 25" Alimalizia.