MHE.HADIJA NASRI ALI AWATAKA WAKANDARASI KUSHIRIKIANA NA VIONGOZI WA WILAYA,KATA NA VIJIJI WATAPOKUWA WANAFANYA UJENZI

Posted on: August 30th, 2022

Wakala wa Barabara za Vijijini na Mijini Tanzania (TARURA) ya Wilaya ya Mkuranga imefanya kikao cha Menejimenti cha mwezi wa August 2022, katika Ukumbi wa Mark Lodge Mkuranga .

Lengo la kikao ni kupata taarifa za utekelezaji wa Miradi ya Barabara na Madaraja ambapo Halmashauri ya Wilaya ya Mkuranga katika Bajeti ya 2022-2023 imetenga kiasi cha shilingi millioni 600 kwaajili ya ujenzi wa Barabara zilizopo ndani ya Wilaya ya Mkuranga.

Mkuu wa Wilaya ya Mkuranga Mhe.Hadija Nasri Ali ambae ndie mgeni rasmi amesema lazima tuhakikishe tunaweka miundombinu rafiki kwa wananchi kuweza kupata huduma mbalimbali kupitia barabara tunazozijenga hivyo amewataka wakandarasi watakaokuwa wanafanya ujenzi katika maeneo ya ndani ya Wilaya wanatakiwa kushirikiana na viongozi wa Wilaya na viongozi wa kata , vijiji pamoja na wananchi .