MHE.MURSHID H.NGEZE AZINDUA SENSA YA WATU NA MAKAZI KATIKA HALMSHAURI YA WILAYA YA MKURANGA

Posted on: August 11th, 2022

Halmashauri ya Wilaya ya Mkuranga imefanya uzinduzi wa Sensa ya Watu na Makazi katika kituo cha kutolea mafunzo Vikindu na Mgeni rasmi akiwa Mhe.Murshid H.Ngeze Mwenyekiti Ofisi ya Rais Tawala za Mikoa na Serikali za Mitaa Jumuiya ya Tawala za Mitaa (ALAT) akiongozana na Mhe.Ernest Mafimbo Mstahiki Meya Kigamboni.

Mhe.Murshid H.Ngeze amewataka makarani kuwa wazalendo katika kutimiza jukumu liilopo mbele yao ili Serikali iweze kupata takwimu sahihi kutoka kwao na watumie lugha sahihi pale wanapofika kuchukua taarifa kwa mwananchi.

Aidha amewataka watunze vizuri vishkwambi ( Tablet) watakavyopewa kwaajili ya kujaza taarifa.

Nae Mkuu wa Wilaya ya Mkuranga Mhe.Hadija Nasri Ali amemshukuru Mhe.Murshid H.Ngeze kwa kuweza kuzindua Sensa ndani ya Wilaya ya Mkuranga na kumuahidi kuwa watafanya vizuri zoezi la Sensa ya Watu na Makazi kwakuwa ana imani thabiti na makarani wake.