MKURANGA MSHINDI WA PILI MAADHIMISHO YA NANENANE KANDA YA MASHARIKI

Posted on: August 8th, 2018

Halmashauri ya Mkuranga Mkoani Pwani imeshika nafasi ya pili katika maadhimisho ya 25, ya maonesho ya Wakulima,Wavuvi na Wafugaji maarufu kama NaneNane,yalioadhimishwa Mkoani Morogoro yakihusisha kanda ya Mashariki huku nafasi  ya Kwanza Kimkoa ikishikwa na Bagamoyo na nafasi ya tatu ikishikiliwa na Chalinze.

Akifunga Maonesho hayo,Waziri wa Mifugo Mh Luhaga Mpina alisema lengo la maadhimisho haya pamoja na kauli mbiu yake kuipa thamani sekta hii muhimu ya Kilimo,Mifugo na Uvuvi ambao ndio msingi pekee kuelekea kutekeleza sera ya uchumi wa kati katika Viwanda.

Maadhimisho hayo yaliyoenda kwa kauli mbiu isemayo”Wekeza katika kilimo,mifugo na uvuvi kwa maendeleo ya viwanda” yakilenga kutekeleza sera ya uchumi wa Kati wa viwanda, Kwa kanda ya Mashariki Imeshirikisha  Halmashauri za Mkoa wa Pwani,Dar es salaam,Morogoro na Tanga.

Mkuranga wanamuunga mkono Rais wa Jamhuri ya Muungano wa Tanzania Mh Dkt.John Pombe Magufuli katika sera ya kuwa na uchumi wa kati wa viwanda kwa vitendo.