Mkuranga watekeleza agizo la Serikali

Posted on: February 10th, 2018

Halmashauri ya Wilaya ya Mkuranga inaendelea kutekeleza maagizo mbalimbali ya serikali ikiwemo agizo la Makamo Wa Rais wa Jamhuri ya Muungano Wa Tanzania Mh,Samiha Suluhu Hassan ambapo alitoa agizo la kufanyika Mazoezi ya Viungo kila jumamosi ya pili ya kila mwezi.

Leo watumishi kutoka taasisi na idara mbalimbali, vikundi mbalimbali vya mwendo pole na wananchi wakiongozwa na Kaimu Mkurugenzi Mtendaji Wa Halmashauri ya Wilaya ya Mkuranga Bwana Peter Nambunga wametekeleza agizo hilo kwa kufanya Mazoezi ya Viungo katika Viwanja vya shule ya Msingi Mkuranga.

Bwana Nambunga amewaasa wananchi na watumishi wote kufanya Mazoezi ya viungo kwani Mazoezi huleta upendo, umoja na mshikamano.

Nambunga aliongeza kwa kusema kwamba Mazoezi husaidia kupunguza uwezekano Wa kupata magonjwa yasiyoambukizwa kama kisukari, na shinikizo la damu.

Afisa Michezo Wilaya bwana Pembe Mlekwa alisema inapendeza kila jumamosi ya pili ya mwezi wananchi wote, taasisi mbalimbali za serikali na binafsi na vikundi mbalimbali kujumuika pamoja kwenye kufanya Mazoezi ya Viungo ili kujenga upendo, umoja na ushirikiano.