MKURANGA YAPANDA MITI KIWILAYA

Posted on: April 18th, 2024

Halmashauri ya Wilaya ya Mkuranga Mkoa wa Pwani imeadhimisha siku ya upandaji wa miti Kitaifa kwa kupanda na kugawa kwa vilabu vya Mazingira pamoja na shule za msingi.

Maadhimisho hayo Kiwilaya Mwaka huu yamefanyika katika Shule ya msingi Dundani Kijiji cha Dundani Kata ya Mkuranga.

akizungumza kwenye maadhimisho hayo yenye kauli mbiu Misitu ni ubunifu, Mgeni rasmi Katibu Tawala wa Wilaya ya Mkuranga Omari Mwanga amesema kwamba ujumbe unaotokana na kauli mbiu ya Mwaka huu unajulisha kuwa na ubunifu katika kupanda nakuzalisha vitalu vya miti na uendelea kukuza misitu yetu ili kuongeza na kuleta hali ya uzalendo kwa nchi yetu na pia kutunza mazingira pamoja na uwepo wa miti hiyo.

aidha ametoa wito kwa kila mwananchi, viongozi wa Serikali, Mashirika, viwanda na Taasisi mbalimbali zilizopo katika Wilaya yetu kushirikiana kwa dhati katika kuendeleza shughuli za upandaji wa miti.