MKURUGENZI MTENDAJI WA HALMASHAURI YA WILAYA YA MKURANGA AKABIDHI PIKIPIKI KWA WATENDAJI WA KIJIJI

Posted on: January 19th, 2022

Mkurugenzi Mtendaji Halmashauri ya Wilaya ya Mkuranga Mkoa wa Pwani Bi Mwantumu Mgonja amekabidhi pikipiki (15 ) zenye thamani ya shilingi milioni (45 ) hii ikiwa ni sehemu ya pili ya makabidhiano yenye tija katika  kuboresha mazingira ya utendaji kazi ndani ya wilaya hiyo.

Katika makabidhiano hayo Bi.  Mgonja  amewataka Watendaji wote kuwahi kazini na kufungua vituo kwa wakati, kuhakikisha wanatunza pikipiki na pia wazitumie kufatilia na kusimamia miradi ya Maendeleo  katika kata wanazofanyia kazi.

Mohamed Mwera Mwenyekiti wa Halmashauri aliwasisitiza watendaji wote kuzitumia kwa ushirikiano na  wataalamu wa kada nyingine  wanaofanya kazi ngazi ya kata ili kwa pamoja walete ufanisi katika jukumu zima la kuhudumia wananchi.

Pikipiki hizo zimenunuliwa kwa kupitia fedha za mapato ya ndani kwa mwaka wa fedha 2020/2021 na mpaka kufikia jana  kata zote 25 zimekabidhiwa.