MKUU WA MKOA WA PWANI AIPONGEZA MKURANGA KWA KUPATA HATI SAFI

Posted on: June 20th, 2022

Mkuu wa Mkoa wa Pwani Mhe. Aboubakar Kunenge amempongeza Rais Samia Suluhu Hassan kwa kuwatumikia wananchi sambamba na kuwaondolea changamoto.

Akizungumza kwenye Baraza Maalum la Madiwani Halmashauri ya Wilaya mkuranga lilokutana leo kujadili majibu ya hoja za mkaguzi mkuu hesabu za serikali mwezi juni mwaka 2020-21, aliwataka madiwani na wataalam kufahamu tafsiri ya hati safi ni kuwaboreshea maendeleo wananchi.

Aidha kiongozi huyo aliyeambatana na katibu tawala wa mkoa mhandisi Mwanasha Tumbo aliwataka wawe ni vipaumbele sahihi kwenye miradi ya maendeleo huku wakizangatia muongozo na rasilimali fedha.

Mhe.Kunenge aliagiza hoja za ukaguzi (32) zilizobaki kati ya (64) zijibiwe kabla ya septemba 30 mwaka huu pia wahusika wachukuliwe hatua na wakamilishe miradi yote ya maendeleo.

Kwa upande wake mkuu wa wilaya ya mkuranga Mhe. Hadija Nassir Ali aliwataka Madiwani kusimamia mapato ya Halmashauri na kufatilia marejesho ya mikopo ya wajasiriamali ambayo ni takwa la kisheria.

Aidha aliwataka Watalam wasubiri miradi yenye tija na kushirikiana Mamlaka ya mapato Tanzania (TRA) kuboresha makusanyo.