MKUU WA MKOA WA PWANI AWASHUKURU TAASISI YA DIRECT AID SOCIETY TANZANIA KWA KUJENGA MADARASA KWAAJILI YA WALEMAVU WA MACHO KUJIFUNZIA ELIMU YA DINI

Posted on: June 8th, 2022

Mkuu wa Mkoa wa Pwani Mhe.Aboubakar Mussa Kunenge ameshirika katika halfa ya makabidhiano ya majengo ya madarasa na ofisi yaliyofadhiliwa na shirika la Direct Aid Society Tanzania. Halfa hiyo imefanyika katika kijiji cha Mwanambaya katika Kata ya Mipeko Wilaya ya mkuranga.

Mhe. Aboubakar Mussa Kunenge ambae ndie mgeni rasmi katika halfa hiyo amewashukuru sana Taasisi hiyo kwa kuweza kujenga madarasa  kwaajili ya walemavu wasiona ili waweze kujifunzia elimu ya Dini ya kiislamu kwani serikali ipo pamoja nao katika kushirikiana kwenye kuleta maendeleo katika jamii zinazotuzunguka.

Pia amewataka walemavu hao wa macho kuzingatia elimu watakayopewa na walimu hao na kuwapa heshima walimu hao kwani ndio elimu hiyo ndio  msingi imara utakaoleta mwangaza katika maisha yao kwa hapa duniani na kesho akhera

Aidha amewataka waumini wote wa kiislamu kuzingatia kufanya mema na wazidi kufanya ibada kwa sana na kuzidi kuliombea Taifa liwe na amani na kumuombea dua Rais wetu Mhe.Samia Suluhu Hassan.