MKUU WA UTAWALA JESHI LA POLISI DCP ANTHONY J.RUTA AMEMPONGEZA MKUU WA WILA YA MKURANGA KWA KUHAMASISHA WANANCHI KUJENGA KITUO CHA POLISI

Posted on: May 31st, 2022

Mkuu wa Utawala Jeshi la Polisi DCP Anthony Ruta ameweka jiwe la msingi  kituo cha polisi Mwarusembe ambacho kituo hicho  kitaweza kutoa huduma katika zaidi ya kata saba (7) ambacho kitaanza kutumika rasmi ndani ya mwezi wa tisa (9 ).

Katika halfa hiyo DCP Anthony Ruta amempongeza Mkuu wa Wilaya Mhe.Hadija Nasri Ali kwa mchango mkubwa wa kuweza kuhamasisha wananchi kuweza kuchangia na kufanikisha ujenzi wa kituo hicho.

Pia amewataka wananchi wote wa Wilaya ya Mkuranga kuzidi kulinda amani na usalama ambayo wanayo kwani ni msingi sahihi hivyo amewataka kuepukana na makundi ambayo siyo mazuri haswa kwa vijana kwani kunaweza kuwaweka sehemu pabaya .

Mkuu wa Wilaya ya Mkuranga Mhe.Hadija Nasri Ali  amemwomba DCP Anthony Ruta kusaidia kupatikana kwa usafiri wa gari au hata pikipiki kwaajili ya Maafisa Polisi ili watumishi ambao watakaoweza kuja kufanya kazi katika Kituo hicho wawe na uhakika na urahisi wa kuweza kufanya kazi zao.

Aidha amemwomba kuweza kuletewa maafisa polisi wakutosha kwani kuna upungufu wa watumishi hao hivyo ameomba kutatuliwa kwa changamoto hiyo ili kuweza kuzidi kuimarisha ulinzi na usalama katika Wilaya.