MKUU WA WILAYA AWAPONGEZA MKURUGENZI NA WATAALAMU KWA KUBORESHA UKUSANYAJI WA MAPATO YA NDANI

Posted on: April 29th, 2022

Baraza la Madiwani Halmashauri ya Wilaya ya Mkuranga Mkoa wa Pwani limekutana kwenye kikao cha kawaida robo tatu limempongeza Afisa Mipango Bi.Kaunga Amani kwa kusimamia kikamilifu ujenzi wa miundombinu mashuleni.Akitoa ufafanuzi wa kwenye pesa za miradi vijijini Afisa Mipango Bi.Kaunga alisema mwongozo unawatambua kamati ya shule kupelekwa pesa huku utaratibu wa kupelekwa vijijini ukifanyiwa kazi.

Mkuu wa Wilaya Bi.Khadija Nasri Ali amewapongeza wataalamu wakiongozwa na Mkurungenzi wa Halmashauri Bi.Mwantum Mgonja kwa kuboresha ukusanyaji wa mapato huku akiwataka wabuni vyanzo vingine vya mapato. akifafanua zaidi Mwenyekiti huyo wa kamati ya ulinzi na usalama ya Wilaya aliitaka wapime ardhi kutumia fukwe na mazao ya kimkakati ikiwemo zao la korosho.

 Aidha,Mkuu huyo ameagiza walimu wasiwe wasimamizi wa miradi ya ujenzi huku akiitaka Halmashauri ya Wilaya kutunga sheria ndogo ili kuzipa nguvu serikali za vijiji ziendeshe miradi ya ujenzi na kuwapunguzia mizigo walimu.

Pia, Bi.Khadija ameitaka Halmashauri ya Wilaya kuweka mkazo kwenye sekta ya kilimo ambayo inagusa wananchi.Mkuu huyo ameitaka kitengo cha Tehama kuboresha miundombinu kwa kuunganisha mambo yote anayotakiwa kufahamu mwwekezaji kwenye mfumo ili kumrahisihia mwekezaji kutopata shida kwenye uwekezaji.