MKUU WA WILAYA YA MKURANGA AIPONGEZA TAASISI YA REHEMA FOUNDATION PAMOJA NA MURADIL KWA UJENZI WA MADARASA

Posted on: February 4th, 2022

Taasisi ya REHEMA FOUNDATION kwa kushirikiana na Taasisi ya MURADIL kutoka Nchini Uturuki imekabidhi madarasa matatu (3) katika Shule Shikizi ya Kipera iliyopo kata ya Kitomondo  ambayo yamejengwa chini ya Taasisi hizo kwaajili ya kusaidia watoto kupata elimu iliyo bora.

Nae Mwakilishi wa Mkuu wa Wilaya ya Mkuranga amesema Mkuu wa Wilaya Bi.Khadija Nasiri Ally  amewashukuru sana na kuwapongeza kwa jitihada kubwa wanazofanya Taasisi hizo mbili kwa kuleta maendeleo katika hudama za elimu na upatikanaji wa maji safi kupitia visima wanavyochimba hivyo amewashukuru na kuwakaribisha kwa kuzidi kutoa huduma hizo katika maeneo mengine ndani ya Wilaya hiyo.

Aidha Mkurugenzi wa REHEMA  FOUNDATION Bw.Obeid Alkan amewashukuru sana wananchi pamoja na uongozi wote wakijiji cha Kipera kwakushirikiana na vyema na kuweza kujenga madarasa pamoja na kuchimba kisima na wamewataka kuvitunza vyema na viwe vyenye kuletamafanikio kwa watoto kuweza kufauli vizuri. Pia ameahidi kuweza kuwasaidia zaidi kwa kushirikiana na Taasisi ya MURADIL kuleta zaidi neema.