MKUU WA WILAYA YA MKURANGA AWATAKAKA VIJANA KUJIKITA ZAIDI KATIKA MICHEZO....

Posted on: October 9th, 2021

Mkuu wa Wilaya ya Mkuranga Khadija Nasiri Ali amempongeza na kumshukuru  Naibu waziri na Mbunge wa Wilaya ya Mkuranga kwa kuratibu bonaza la Ulega Cup kwani bonanza hilo hukutanisha vijana mbalimbali kutoka wilaya ya mkuranga kwa pamoja na kuwajenga kiafya na kiakili kwakupitia  mazoezi kwa pamoja .

Uzinduzi wa bonaza la michezo ambalo linajulikana kama Ulega Cup ambalo limefanyika Wilayani Mkuranga  lilihusisha michezo mbalimbali  kama vile kukimbia mchakamchaka(jogging) km15, mchezo wa bao kwa wazee na mpira wa miguu . Pia kulikuwa na zoe la uchanjaji wa chanjo ya uviko 19 na utoaji damu.

Aidha Mkuu huyo  amewasihi vijana wa  Wilaya ya Mkuranga kujikita Zaidi katika michezo kwani michezo  hujenga afya bora  na pia hujitengenezea fursa nzuri ya ajira ndani na nje ya Nchi  na kuwataka vijana zoezi hili liwe endelevu katika wilaya yao.

Sambamba na hilo  amewashukuru wananchi  kwa kulipokea vizuri zoezi la uchanjaji wa chanjo ya uviko 19 kwani chanjo 4000 zilikuja awamu ya kwanza zimekwisha na wanatarajia kupokea chanjo nyingine hivyo amewataka wananchi kushiriki vyema kupata chanjo hizo.

Naye Naibu waziri wa Wizara ya Mifugo ambaye  pia ni Mbunge wa Jimbo la  Mkuranga amemshukuru Mkuu wa Wilaya  kwa kushirikiana nae vyema kwenye Bonanza hilo sambamba na kuibua mchezo wa bao kwa wazee ikiwa kama kumbukizi ya mchezo pendwa wa Mwalimu Nyerere Baba wa Taifa la Tanzania .

Ulega amewasihi wazee mchezo huo uwe endelevu katika wilaya yao ili usiweze kusahaulika kama ilivyokuwa hapo awali.

 Michezo hiyo iliweza kutoa washindi kwa mchezo wa bao timu ya wazee wa vikindu ilibuka washindi dhidi ya Mwarusembe na katika mpira wa miguu Timu ya Tengerea iliibuka mshindi wa goli moja dhidi ya Mipeko.