Mwanamke Auwawa kikatili kutokana na wivu wa mapenzi

Posted on: September 22nd, 2018

Katika hali ya kusikitisha mkazi mmoja wa kijiji cha magoza katika Kata ya Kiparang'anda Wilayani Mkuranga bwana Selemani Juma amemuua Mkewe Bi Selina Sulubu kwa madai ya mgogoro wa mapenzi wa muda mrefu na kumfukia kwa siri katika shamba la jirani yake na kubainika baada ya siku kumi tangu kufukiwa kwa mwili huo.

Ofisi ya habari ilifika eneo la tukio na kushuhudia jeshi la polisi kwa kushirikiana na wataalam wa afya kutoka hospitali ya Wilaya na wananchi wakifukua mwili wa marehemu.

Kwa upande wake Mganga mkuu wa Hospitali ya Mkuranga Dk. Stephen Mwandambo amethibitisha kutokea kwa tukio hilo kwa kuuona mwili wa marehemu.

Kaka wa marehemu bwana bahati Mabubu alisema baada ya kupata taarifa kwa shemeji yake kuhusu kutoroka kwa dada yake nyumbani aliamua kufunga safari kuja Mkuranga ili kumtafuta dada yake.

Mabubu aliongeza kwamba alipofika Mkuranga kijijini magoza aliona wasiwasi wa shemeji yake ndipo alipompeka kituo cha polisi na kukiri kufanya mauji ya mke wake.

Ni miezi minne imepita tangu kutokea kwa mauaji ya nesi wa Hospitali ya Wilaya ya Mkuranga yaliyosabishwa na wivu wa mapenzi kutoka katika wilaya ya Mkuranga.