NAIBU WAZIRI WIZARA YA MIFUGO NA UVUVI AMBAE NI MBUNGE WA JIMBO LA MKURANGA MHE.ABDALLAHULEGA AFANYA BONANZA MAALUM LA KUHAMASISHA SENSA YA WATU NA MAKAZI

Posted on: July 17th, 2022

Mbunge wa Jimbo la Mkuranga Mhe.Abdallah Ulega amefanya Bonanza Maalum la kuhamasisha umuhimu wa Sensa ya Watu na Makazi katika Wilaya yake.

Katika Bonanza hilo ilifanyika Jogging maalum ya kujenga mwili ilianzia katika viwanja vya Shule ya Msingi Kiguza na kumalizika katika viwanja vya shule ya Msingi Mkuranga.

Mhe.Ulega aliweza kuwapa vijana wote Jezi maalum pamoja na mipira kwa kila kikundi cha Jogging

Nae Mhe.Hadija Nasri Ali Mkuu wa Wilaya ya Mkuranga  ambae alihudhuria katika bonanza hilo amewataka vijana kuwa mabalozi wa kuweza kuhamasisha umuhimu wa  Sensa ya watu na makazi katika maeneo waliyotoka ili Mkuranga ipae kimaendeleo tunatakiwa tujitokeze katika kuhesabiwa ili  Serikali iweze kupata idadi kamili na kutupa mahitaji kamilifu.

Aidha amewataka kuwapa ushrikiano kamilifu  kwa  makarani wa sensa watakaopita katika maeneo yao na ikijitokeza kama kuna mtu hatokuwepo katika makazi yake basi aache taarifa zake kamilifu kwa atakaebaki.  

Mhe.Ulega amewataka vijana kuzidi kuendelea kumuunga mkono Rais wetu Mhe.Samia Suluhu Hassan na pia kuwaunga mkono Madiwani pamoja na Viongozi wetu wote ili tuzidi kusonga mbele katika kuleta maendeleo.

Amewashukuru sana kwa kuweza kijitokeza kwa wingi katika Bonanza hilo na kuwataka waweze kushiriki vizuri katika zoezi la sensa na kuwahamasisha wengine juu ya umuhimu wa Sensa ya Watu na Makazi katika Wilaya yetu.