NDIKILO APONGEZA UBORESHAJI VIWANDA VYA MKURANGA

Posted on: August 19th, 2019

Mkuu wa Mkoa wa Pwani  Mhandisi Evarist Ndikilo ameupongeza uongozi wa serikali  na taasisi wezeshi ndani ya Wilaya ya Mkuranga  kwa  kuweka mazingira rafiki na kuondoa urasimu  kwa wawekezaji hali inayochangia viwepo viwanda vya mfano ndani na nje ya nchi

Akizungumza na wataalamu viongozi , wafanyakazi  na jamii badala ya kutembelea kiwanda cha maji  cha COOL BLUE kinachoendeshwa na SUPER MEAL LIMITED  kilichopo kitongoji cha mwajasi  kijiji cha Vianzi, Ndikilo alitumia fursa hiyo kupongeza mahusiano ya kitongoji ,kijiji na mwekezaji hali  inayochangia kuondoa migogoro huku akiagiza Halmashauri zote ziige ubunifu huo.

Kwa upande wa  bara bara Mhandisi  Ndikilo alimpongeza kaimu wa Mratibu wa wakala wa bara bara mijini na vijijini(TARURA) Mkoa wa  Pwani  ambaye pia anaongoza Mkuranga Mhandisi Peter Shirima  kwa kuitengea bajeti  barabara  hiyo huku akimwagiza Afisa Tarafa na watendaji wake wahamasishe wananchi kukata bure minazi yao ili kuepuka athari za umeme kiwandani  na hata majumbani mwao

Akisoma taarifa Mkurugenzi wa kiwanda Faudhia Abdallah alisema wapo kwenye mchakato wa kujenga kiwanda cha juisi sambamba na kumalizia zahanati ya kijiji cha Vianzi walipo ili kudumisha mahusiano na wananchi

Ndikilo alimhakikishia Mkurugenzi  wa kiwanda hicho  kuwa  ofisi yake na ya  Mkurugenzi  wa Halmashauri  ipo tayari kuzisikiliza changamoto zao na kuzitatua kwa wakati ili kusimamia kauli ya Mh. Raisi Dk. John Pombe Magufuli  ya kuwa na Tanzania ya viwanda