NDIKILO AWAPA ANGALIZO MAAFISA KILIMO NA UGANI

Posted on: August 27th, 2019

.

MKUU wa Mkoa wa Pwani Mhandisi Evarist Ndikilo amewataka wakuu wa Udara ya kilimo na maafisa ugani wa Mkoa wa Pwani kuhakikisha wanakua karibu na wakulima ili kuwapa elimu juu ya kilimo cha kisasa cha zao la muhogo.

Akizungumza katika kijiji cha Mkenge Kata ya Beta Wilaya ya Mkuranga mara baada ya kupokea taarifa ya kiwanda cha kuchakata muhogo) kinachoendeshwa na Tanzania Huafeng Agriculture Development Limite,  Ndikilo alimpongeza Mmiliki wa kiwanda bwana Jie Qi (Jerry)  kwakuwekeza sh.billioni 9.1 kwenye kiwanda hicho.

 Akizungumzia changamoto mbali mbali Ndikilo alimwagiza meneja umeme Tanesco wilaya Octavian Mmuni, kuhakikisha swala la umeme kwenye kiwanda hicho linakua la uhakika ili kuepusha kukwama kwa uzalishaji wa malighafi hiyo.

Aidha Mhandisi Ndikilo alimuagiza kaimua katibu  tawala Mkoa  Shangwe Twamala kuitisha mapema kikao cha wadau wa muhogoili kweza kupanga mikakati itakayowezesha upatikananji wa tani 200 za mihogo kwa siku ili kuwezesha kiwanda kufanya kazi

Naye Mkurugenzi wa Halmashauri ya Wilaya Mhandisi Mshamu Munde alitumia fursa hiyo kumhakikishia Mkuu huyo watatumia Baraza lijalo la Madiwani kufikia muafaka kuhusu vituo vya kukusanya muhogo na uuzaji wake kupitia Chama cha msingi cha ushirika (AMCOS) hatmaye wakulima wafaidike sambamba na Halmshauri ya Wilaya.

.