RAS WA MKOA WA PWANI MHANDISI MWANAASHA TUMBO AKAGUA MAENEO YA UWEKEZAJI WILAYANI MKURANGA

Posted on: January 19th, 2022

RAS Pwani akagua maeneo ya Uwekezaji Mkuranga*

Katibu Tawala  Mkoa wa Pwani Mhandisi  Mwanaasha Tumbo amewataka mameneja wa Tanroad  na TARURA Mkoa huo Kutenga bajeti kwa ajili ya ujenzi  wa barabara zinazoelekea kwenye maeneo ya uwekezaji ili kutoa fursa kwa wawekezaji kufika na kuwekeza kwa wingi.

Hayo yalijiri wakati wa ziara ya Katibu Tawala huyo ya ukaguzi wa maeneo ya uwekezaji katika Kijiji  cha mpafu  kata ya Dondo na eneo la Viwanda (Industrial Park) katika Kitongoji cha Teka Kijiji cha Dundani Wilayani Mkuranga iliyofanyika Januari 19, 2022.

Sambamba na ukaguzi wa maeneo ya Uwekezaji, Mhandisi Mwanasha pia aliitembelea Shule ya Msingi na Zahanati ya Mpafu katika Kijiji hicho cha Mpafu na kutoa maelekezo kwa Mkurugenzi Mtendaji wa Halmashauri ya Wilaya ya Mkuranga kufanya ukaguzi wa mara kwa mara katika vituo vya kutolea huduma za afya na elimu (shule) ili kuhakisha ufanisi wa utoaji huduma hizo.

Ziara hiyo imehitimishwa katika kitongoji cha Teta kilichopo katika kijiji cha Dundani kata ya Mkuranga.

@ofisi_ya_mkuu_wa_mkoa_wa_pwani