SERIKALI YATENGA SHILINGI BILIONI 37 KWA AJILI YA UTEKELEZAJI WA MIRADI YA USAMBAZAJI UMEME WILAYANI MKURANGA..

Posted on: August 26th, 2021

Serikali imetenga shilingi Bilioni 37 kwa ajili ya utekelezaji Mradi wa  ujenzi na usambazaji wa miundo mbinu  ya umeme katika vijiji vyote Vilivyopo ndani ya Mkoa wa Pwani

Hayo yameelezwa na Naibu Waziri wa Nishati Steven Dejauka Byabato Agosti 26,mwaka huu wakati  akizindua  utekelezaji wa Miradi ya umeme vijijini awamu ya tatu mzunguko wa pili katika Kijiji cha Mikele kata ya Njia Nne Wilaya ya Mkuranga Mkoani Pwani.

Amesema kwa kutambua mahitaji ya umeme nchini serikali  inatarajia kutekeleza miradi ya umeme katika vijiji mbalimbali nchini na kwamba ikiwamo mradi wa umeme unaotelekezwa katika  vijiji vya Mikele Kata ya njia nne wilaya ya Mkuranga.

“Serikali  imetenga Shilingi   Bilioni 37 ambazo zinakwenda kutekeleza  miradi ya kusambaza umeme katika mkoa wa Pwani na  Wilaya ya Mkuranga imetoa shilingi  Bilioni 11  na kati  ya hizo shilingi milioni 664 zinaenda kutekeleza mradi wa kusambaza  umeme  katika Kata ya Njia Nne na  shilingi milioni 82 itatumika katika  Kijiji cha mikele.’Alisema

Aidha akikagua miradi hiyo Byabato  alitoa agizo kwa  wasimamizi wanaotekeleza  wa miradi ya kusambaza umeme kuhakikisha wanatoa  kipaumbele katika maeneo ya Umma ikiwemo Shule, hospital, zahanati, na nyumba za ibada

Mkuu Wilaya ya Mkuranga Khadija Nasri Ally aliishukuru serikali kwa kufanisha utekelezaji wa miradi ya kusambaza umeme katika wilaya yake na ameahidi kuwasimamia wakandarasi waliopewa zabuni za kutekeleza miradi hiyo

Khadija amesema kama Mkuu wa Wilaya ya Mkuranga hatakuwa tayari kuona miradi inachelewesha bila sababu yeyote ya msingi na hivyo kusababisha ucheleleweshaji wa azima ya serikali inayotaka kila Kijiji kipate umeme

Kwa upande wake  Mbunge wa Jimbo la Mkuranga Abdalah Ulega akatumia fursa hiyo kumuomba Waziri Byabato   kusaidia kuharakishwa suala la uwashaji wa umeme katika Kijiji cha cha ming’ombe

“Mheshimwa Naibu Waziri wa nishati sisi  tutafarijika sana iwapo tukiona maeneo  ya mikele, miteza, na ming’ombe yanawaka umeme  ndio waendelee kwenda kuwasha umeme katika vijiji vingine vilivyopo wilaya ya Mkuranga.Alisema Abdalah Ulega.

Diwani wa njia nne amemuhakikishia mh Naibu waziri kuzungumza na wananchi wa kata hiyo kukubali kutoa maeneo ya kupitisha umeme bila kudai fidia isipokua wameomba kusaidiwa ujenzi wa barabara inayotoka mwarusembe hadi mikele