TAMISEMI YAIBARIKI HALMASHAURI MKURANGA KUTENGA BAJETI YA BARABARA

Posted on: July 5th, 2019

Halmashauri ya Wilaya Mkuranga Mkoa wa Pwani imepewa ridhaa na ofisi ya Raisi (TAMISEMI) itenge bajeti ya kutengeneza barabara hatimaye mawasiliano yafunguke kwenye vitongoji na vijiji

Akizungumza na madiwan,i wataalamu ,na watendaji baada ya kukagua ukarabati wa wodi ya wazazi Hospital ya Wilaya mwishoni mwa wiki, Katibu Mkuu wa (TAMISEMI) Joseph Nyamhanga pamoja na kufurahishwa na ukusanyaji wa mapato aliwaagiza  viongozi wa Halmashauri Mkuranga  kutengeneza barabara zao wakati huu ambao bajeti ya wakala wa barabara mijini na vijijini (TARURA) ni ndogo

Aidha Nyamhanga alikubaliana na mawazo ya kuanza upya ujenzi wa Hospitali hiyo  kwa mpangilio mzuri huku akiahidi kuwaongezea pesa kadri bajeti itakavyoruhusu hatimaye wananchi waboreke kiafya na kuweza kuchangia maendeleo

Akizungumza matengenezo ya barabara kutoka Mkuranga mjini kwenda  Kisiju katibu huyo aliwahakikishia wananchi itakamilika kwa awamu kama ilani ya uchaguzi (CCM) inavyobainisha  kiongozi huyo alitumia fursa hiyo kuwaagiza waganga Wakuu wa Wilaya na Mikoa kuwa ukarabati ,ujenzi  na upanuzi unaoendelea kote Nchini kwa Zahanati na vituo vya afya wahakikishe unaendana na utoaji huduma bora kwa wagonjwa

Akimkaribisha katibu mkuu ,Mkuu wa Wilaya  FILBERTO SANGA alimhakikishia kutokana na mahusiano mazuri ofisi yake ,madiwani, chama tawala (CCm) na wataalamu wa halmashauri  yatafanikisha kikamilifu maagizo yote

Naye mkurugenzi wa Halmashauri Mhandisi Mshamu Munde alisema wamejipanga katika kukusanya mapato huku akitaja hadi mwaka wa fedha ulioisha tayari wameingiza sh. Bilioni 6.3 hali itakayofanikisha kukamilika utekelezaji wa ilani ya uchaguzi sekta mbalimbali