Posted on: February 9th, 2021
Mkurugenzi Mtendaji wa Halmahauri ya Wilaya Mkuranga Mkoa wa Pwani Mhandisi Mshamu Munde leo 10/2/2020 amezindua warsha fupi ambayo inaendeshwa na Taasisi ya TaTEDO kwa kushirikiana na wadau TFS,WWF,Pamoja na VODACOM Tanzania Foundation(VTF) inayotekeleza mradi wa kujenga uwezo wa kueneza teknolojia na huduma za nishati endelevu katika Wilaya ya Mkuranga
Akizungumza katika warsha hiyo muwakilishi wa Mkurugenzi Mtendaji wa Halmashauri ambaye pia ni Afisa Maendeleo ya jamii (W) Ndg. Peter Nambunga aliwataka wadau mbali mbali walioshiriki katika warsha hiyo kuwa mabalozi wazuri wa kwenda kutoa elimu kwa jamii ili iwe na manufaa kulingana na mafunzo wanayoyapata.
Sambamba na hilo Nambunga alisisitiza washiriki kuyatumia vema mafunzo haya kwani ni sehemu ya elimu inayoweza kuwasaidia kuongeza kipato endapo watatilia mkazo kwa vitendo
Mafunzo hayo yametolewa na Ndg. Shima Sako toka taasisi ya TaTEDO, miongoni mwa masomo aliyoyatoa ni Pamoja na umeme wa jua, majiko sanifu ya mkaa, kupika kwa kutumia jiko sanifu la umeme, Bayogesi na kausho la jua.
Ofisi ya Mkurugenzi Halmashauri ya Wilaya ya Mkuranga
Postal Address: P. O. Box 10, Mkuranga, Pwani, Tanzania
Telephone: +255232110038
Simu ya Mkononi:
Barua Pepe: ded@mkurangadc.go.tz; ded.mkuranga@pwani.go.tz
