Tumieni maonesho ya nanenane kuboresha Kilimo - DC Mkuranga

Posted on: August 7th, 2022

Mkuu wa Wilaya ya Mkuranga Mh. Hadija Nasri Ali amewataka wakulima kujitathmini kupitia maonesho ya nane nane ili kuweza kujiimarisha na kuanza kulima kwa kutumia nyenzo bora na za kisasa ili kuongeza uzalishaji.

Akizungumza na wakulima wa Mkuranga wanaoshiriki maonesho hayo kwenye viwanja vya J.K Nyerere Mjini Morogoro Mhe. Nasri alisema “Mkuranga ina ardhi nzuri kwa kilimo hivyo sisi tunaadhimisha sikuu hii ya nane nane tukijua kuwa inatugusa wengi na kugusa shughuli nyingi tunazozifanya hivyo tujipange kuitumia ardhi kwa ajili ya kufanya kilimo chenye tija.”

 Aidha aliwataka kutumia mikopo ya kilimo inayotolewa kwa riba nafuu ambayo ikitumika vyema itawainua na kuwawezesha kuuza mazao mpaka nchi za nje.

Mh Nasri alimalizia kwa kuwakumbusha wananchi wa wilaya ya Mkuranga kujitokeza kwa wingi kuhesabiwa ifikapo Agosti 23,2022.