ULEGA AZINDUA KITUO CHA AFYA KATA YA MAGAWA

Posted on: August 1st, 2024

Mbunge Jimbo la Mkuranga ambae pia ni Waziri wa Mifugo na Uvuvi  Mhe. Abdallah  Ulega Tarehe 31/07/2024 amezindua kituo cha Afya Kijiji cha Makumbea Kata ya Magawa.

Ulega amempongeza Diwani Kata ya Magawa Mhe. Juma Abeid kwa usimamizi mzuri wa miradi ya maendeleo ambayo inatekelezwa ndani ya Kata yake.

Kituo hicho cha Afya cha Kata ya Magawa kimegharimu kiasi cha shilingi Million 500,000,000 ikiwa ni fedha za Mapato ya ndani ambapo zimewezesha kujenga jengo la OPD, jengo la Maabara na jengo la mama na mtoto.

"Wananchi tunatakiwa kufanya kazi ya ujenzi wa Taifa letu tusiwe na wasiwasi vijana wenu mmetutuma kazi na kazi tunaifanya chini ya Uongozi imara wa Rais Mhe. Dkt. Samia Suluhu Hassan pongezi nyingi sana kwa miradi anayotupatia ndani ya Wilaya yetu ya Mkuranga". Amesema Ulega.

Akiwa Kata ya Magawa Ulega ametoa kiasi cha shilingi Million 3 kwa ajili ya ujenzi wa ofisi ya CCM Kata ya Magawa, kiasi cha shilingi 500,000 Ujenzi wa Ofisi ya Kijiji cha Kifumangao, kiasi cha shilingi 500,000 kwa ajili ya kuezeka Darasa shule msingi Mdimni, kiasi cha shilingi Million 1 kwa ajili ya ujenzi wa (Mgundi) kituo cha bodaboda Magawa.

Fedha nyingine ni kiasi cha shilingi laki 500,000 kwa kuwaunga mkono jukwaa la kinamama Kata ya Magawa, kiasi cha shilingi 500,000 kwa ajili ya kikundi cha Wazee na kiasi cha shilingi 200,000 ikiwa ni pongezi kwa Walimu kutoka shule ya Msingi Ng'anje na Kifumangao kwa kufaulisha vizuri mitihani ya Moko.