UMITASHUMTA yang'ara Mkuranga

Posted on: June 1st, 2018

Umoja wa Michezo ,Taaluma katika Shule za Msingi Tanzania Leo imefunguliwa rasmi Wilayani Mkuranga katika viwanja vya shule ya Msingi Vikindu na Afisa Elimu Msingi Wilaya Mwl.Cosmas Magigi ambaye alimuwakilisha Mkurugenzi Mtendaji wa Halmashauri ya Wilaya ya Mkuranga Mhandisi Mshamu Munde.
Mwl Magigi alisema" Wilaya ya Mkuranga imekuwa ikifanya vizuri na kwa kua mwaka huu tumejiandaa vizuri zaidi tunaenda kushindana na sio kushiriki"
Magigi aliongeza kwamba michezo ni afyà,michezo huleta undugu,ajira na pia burudani hivyo mtu yeyote anayeshiriki michezo atakuwa na uelewa mzuri na afya njema.
Michezo ya UMITASHUMTA katika wilaya ya Mkuranga ilianza rasmi tangu mwezi wa pili
ambapo ilianza katika ngazi za shule,Mwezi wa tatu ngazi ya kata na mwezi April ngazi ya klasta ambapo mpaka leo hii wanatarajia kuunda timu ya Wilaya ambapo zoezi hili litfanyika  kwa siku tatu katika viwanja vya shule ya Msingi Vikindu
Michezo itakayohusika kwenye UMITASHUMTA ni Riadha,Mpira,Fani za ndani yaani kwaya,mashairi,ngonjera na ngoma za asili.
Mpaka kufikia siku ya jumatatu ya tarehe 4/06/2018 timu ya wilaya itakuwa umepatikana ambayo itaweka kambi kwa siku tatu kwa ajiki ya maandalizi katika michuano ya ngazi ya Mkoa.