Posted on: November 4th, 2024
Wajumbe wa Kamati ya Rufaa wa Wilaya ya Mkuranga wamekutana November 4,2024 katika semina iliyoandaliwa kabla ya kuanza utekelezaji wa majukumu.
Kamati ya Rufaa inaongozwa na Katibu Tawala Wilaya ambae ndie Mwenyekiti wa Kamati hiyo Ndg.Omari Mwanga pamoja na wajumbe kutoka Taasisi mbalimbali za umma zilizopo ndani ya Wilaya.
Kamati ya Rufaa itakuwa na majukumu ya kupokea,kusikiliza na kutoa uamuzi wa rufaa itakayowasilishwa chini ya kifungu cha 23 (3) ya kanuni za uchaguzi wa Mwenyekiti wa kijiji,wajumbe wa Halmashauri ya kijiji na Mwenyekiti wa kitongoji katika mamlaka za Wilaya kupitia tangazo la serikali Na.571.
Aidha Kamati itatoa uamuzi wa rufaa ndani ya siku nne kuanzia siku ya kupokea rufaa na uamuzi wake utakuwa wa mwisho.
Halmashauri ya Wilaya ya Mkuranga ina jumla ya vituo 600 vya kupigia kura ambavyo vipo katika Vitongoji 446 katika vijiji 125 ambavyo vitashiriki uchaguzi wa Serikali za Mitaa November 27,2024.
"Serikali za Mitaa,Sauti ya Wananchi,Jitokeze Kushiriki Uchaguzi"
Ofisi ya Mkurugenzi Halmashauri ya Wilaya ya Mkuranga
Postal Address: P. O. Box 10, Mkuranga, Pwani, Tanzania
Telephone: +255232110038
Simu ya Mkononi:
Barua Pepe: ded@mkurangadc.go.tz; ded.mkuranga@pwani.go.tz
