WALENGWA TASAF WATAKIWA KUWAPELEKA WATOTO SHULE..

Posted on: November 4th, 2020

Mratibu wa mradi wa kusaidia kaya masikini (TASAF) Mkoa wa Pwani bi Asha Itelewe amewataka wazazi ambao ni wanufaika wa mradi huo kuipa elimu kipaumbele kwa kuwapeleka watoto  wao shule  ili watoto waje kuwa msaada kwa wazazi wao lakini pia iwe sehemu ya kujikomboa kielimu na maisha kwa ujumla

Akizungumza  katika ziara iliyofanyika katika kijiji cha kisemvule na vikindu vilivyopo katika Wilaya ya Mkuranga Mkoa wa Pwani bi Itewele alisema wakati tuliopo ni wakati ambao unahitaji wasomi wengi katika jamii ili kuwezesha mambo mbali mbali ya maendeleo kupiga hatua hivyo  basi

“Nitoe rai kwa wanufaika wote kuwapeleka vijana  shule kwani kwa kufanya hivyo kama mzazi au mlezi utakua umempa mtoto haki ya kupata elimu lakini pia umemsaidia kufuta ujinga sambamba na  kumuongezea uelewa na atajua kadri anavyokua afanye nini ili kukabiliana na hali ya umasikini katika jamii yake”

nae  Mkuu wa Idara ya Elimu Msingi Bi Jessy Mpangala aliongezea kwa kusema Serikali yetu tukufu inatoa elimu bure kwa lengo la kumfanya kila mtoto mwenye umri wa kuanza shule apate fursa ya kuitumia haki yake bila vikwazo vyovyote  hivyo wazazi na walezi fedha inayotengwa kwa ajili ya kununua mahitaji ya mwanafunzi ifanye kazi hiyo sawa na malengo  ili kupunguza ghasia za kumkosesha mtoto vitu muhimu ikiwemo sare za shule kwa kutumia fedha iliyotengwa kwa matumizi mengine.

aidha  Afisa lishe Wilaya Bi Vumilia Mbughi alisisitiza ulaji wa mlo kamili ili kusaidia ukuaji wa afya ya mwili na akili kwa watoto na familia nzima, lakini pia  amewataka wanufaika wa mradi wa tasaf kulima bustani za mboga mboga ili ziweze kutumika kama sehemu ya mlo wao wa kila siku na watoto wasinyimwe vyakula muhimu kwa kuwapa baba zao.

Takribani Milioni 156  zimetolewa kwa kaya masikini  3420 katika vijiji 75  vilivyoo ndani ya halmashauri ya wilaya ya mkuranga.